[FACE 342] Fiona祈禱撐鄭融 Fiona,鄭融,薛凱琪,MF,

鄭融開騷，當然唔少得好姊妹薛凱琪做嘉賓撐場，當晚 2個絲打合唱薛凱琪嘅〈 886〉時，就撞曬 pat pat，老友鬼鬼。

FBI

Fiona祈禱撐鄭融

出道 10年嘅鄭融，上週五（ 6日）終於踩入九展 Star Hall，開佢嘅處女個唱，死黨周柏豪同姊妹薛凱琪（ Fiona）齊齊上台做嘉賓撐老友。

講真，鄭融雖唱足 10年歌，但歌藝仍有待改進，所以嗰晚嘅亮點，放咗喺佢啲歌衫同火辣勁舞，一招趴地然後再擘腿嘅動作，唔只令 FBI睇到眼凸凸，在場觀眾個個嘩嘩聲。

台上放盡演出，但 FBI收到風，第一次演出個人騷嘅鄭融，出場前勁緊張，好彩得到好姊妹薛凱琪出招教路，信奉基督教嘅 Fiona先喺後台同鄭融祈禱，之後仲一齊唱聖詩壯膽，不過最實際係教埋鄭融點樣走位同點樣講嘢搞氣氛，今次鄭融開騷成功，真係要多謝阿 Fi呢個相交 10年嘅好姊妹喇！

聖詩壯膽

鄭融台前鬼咁放，但其實勁緊張，所以好姊妹薛凱琪就喺開騷前走入後台，幫鄭融祈禱，之後仲一齊唱聖詩壯膽。

處女個唱，鄭融演出特別落力，唔只著住條「現形褲」舞衣勁歌熱舞，跳到興起，仲做出擘腿大字馬趷籮動作，其實使唔使背住觀眾趷籮咁激呢？

鍾意就快D Share啦！

下一篇 》