掃呢頁CODE去手機

2013年12月11日 星期三

[FACE 342] 鄭中基吊足七個月 鄭中基,MF,




上週上映嘅《四大名捕Ⅱ》,故事一開始講城郊命案發生,四大名捕前往現場緝兇,再引出 15年前殺害「無情」(劉亦菲飾演)全家嘅慘案。飾演「鐵手」嘅鄒兆龍打得眾所周知,估唔到連新加入嘅鄭中基喺戲入面都要打到飛天。

FBI

鄭中基吊足七個月

電影《四大名捕》第 1集喺大陸收過億,今年食住嗰勢出續集,仲玩埋「 3D」,除咗有 34D柳岩出浴戲外,今集仲加咗鄭中基。

自從喺《低俗戲劇》「暴龍哥」一角彈起後,鄭中基喺內地密密搵人仔。呢套《四大名捕Ⅱ》角色除咗搞笑外,鄭中基打戲都唔少,留喺橫店拍足七個月,仲要每日吊足 10個鐘威也,都咪話唔辛苦。不過打就有份,同戲中兩位女主角柳岩、劉亦菲嘅感情戲就冇份。蝕曬喎!

《四大名捕》上年喺大陸收過億,孭重飛飾「諸葛正我」嘅秋生,今集仲會同鄧萃雯談情。

有鄭中基又點會唔笑?戲中輕鬆搞笑部分由佢包辦。

女主角劉亦菲戲中有被虐待戲分,可惜全程包到上頸。



鍾意就快D Share啦!