網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月18日 星期三

[FACE 343] 後悔莫及 嗒助手 老婆失常 周國賢引退陪妻加國醫病 MF,




心口掛著「好爸爸」招牌的周國賢,去年 12月拖住 2個寶貝女在超巿購物,盡現好爸爸的典範。

真面目

後悔莫及 嗒助手 老婆失常 周國賢引退陪妻加國醫病

好耐冇見嘅周國賢,今年 6月被爆搭上唱片公司助手南南,有傳韓籍老婆李美英一怒之下,帶埋三個女搬離天後住所,舉家返韓國。

事隔 6個月,疑似小三經已避走,近日又有幕後人士爆出,和周國賢結婚逾十一年的韓籍老婆出現嚴重情緒問題;曾宣布在今年 10月舉行十周年演唱會的周國賢,月前與唱片公司 bma滿約,卻忽然全家移民到加拿大,據聞此行沒有歸期,主要陪老婆醫病。上週 34歲生日的周國賢,在 Instagram發表千字文章,當中說︰「請給我一點時間,如果我有天真有幸能夠回來的話……」句句灰到爆令人擔心。

34歲的周國賢早年留學日本時已認識老婆李美英,婚姻維持 11年,二人現今育有 3名女兒。 03年出道時,周國賢經已公開已婚身份,一直零緋聞,直至今年 6月爆出與前助手南南(陳若南)撻著,諗住事過境遷,不料最近又傳出他太太出現嚴重情緒問題,緋聞後更加愛妻的周國賢,已選擇暫時引退,長留加拿大陪老婆醫病。

12年周國賢開個唱,老婆李美英仲特意帶埋 2個女到場支持,二人當時表現相當恩愛。《蘋果日報》圖片

周國賢有 3名女兒, 8月在微博中,大讚今年 10歲的大女 Clara勁有音樂天分,笑言唱歌好過自己。網上圖片

周國賢於生日正日在微博及 Instagram發表一篇千字感想,文字間透露自己以前犯了錯,並需要時間改過及處理。

情緒出問題

上週連日來,周國賢和父母都沒有在家族經營的海味店現身,週一( 16日),本刊到達周國賢家族開設的海味店,一班員工都表示「唔清楚」。

曾經在樂壇非常活躍的周國賢, 12年 9月推出過一張唱片後就人間蒸發,最近有幕後人驚爆周國賢老婆需在加拿大定居養病,知情人士說︰「其實近年佢老婆嘅精神狀況已經開始唔穩定, Endy覺得歸根到底都係自己衰,太少時間陪太太,所以 Endy決定一家大細離開香港,同老婆飛到加拿大醫病,仲撇低曬香港所有嘅工作,連自己嘅 10周年 show都決定唔搞, 24小時專心陪住老婆養病。」

而周國賢月前已經約滿 bma,身在加國的他雖一直沒有返香港處理續約事項,但已向老闆羅傑承和公司同事交代,大家亦都幫他保密家事。

撻著助手

陳若南雖然係周國賢的助手,二人私底下卻形影不離,難怪有傳二人撻著。

勝在夠嗲

網上圖片

周國賢和前助手陳若南私底下關係密切, Instagram更常常出現「攬到實一實」的合照,其後更爆出緋聞,有指南南樣貌平平,但勝在嗲功了得。

知佢搞屋企嘢!(真實對白)

同為 bma的 Gin Lee回應說︰「佢放假、唞緊,因為佢好似移民,搞屋企嘢。」記者再問她便落閘唔答。

上個月先見過佢!(真實對白)

與周國賢屬好友的藍奕邦,則力撐好友老婆李美英冇患病。

南南︰「冇同佢聯絡」

周國賢上一次出席公開活動,已是 4月的《勁歌金曲》,之後就沒有露面。《蘋果日報》圖片

本刊週一( 16日)去到周國賢家族上環開設的海味店,問到店內一班職員有關周國賢一家大細搬去加國、陪老婆醫病一事,他們都不敢多說,其中一名員工說:「唔清楚,我哋打工㗎啫,唔好問我哋喇!」

至於疑似小三的前助手陳若南亦已辭職,現為林欣彤私人助手,本週一她在電話說:「嚇,我唔知喎,只知佢會移民(同 Endy有冇聯絡?)我離開咗 bma之後就冇聯絡喇,如果單緋聞真係真嘅話,我就唔會唔知佢有病喇!」

而唱片公司 bma發言人回應:「 Endy已經完咗約,不過佢放緊假唔係香港,暫時都冇工作安排。」而同公司的 Gin Lee說:「佢放假、唞緊,因為佢好似移民,搞屋企嘢。」而周國賢好友藍奕邦就力撐,他說:「 Endy呢幾個月 keep住周圍飛,不過我哋私底下有聯絡,上個月仲係香港見過佢同佢老婆,可以證明佢老婆冇病,邊個咁黑心話人有病?」

賣樓賺過千萬

周國賢另一身份係海味店太子爺,身家相當豐厚,試過同時間名下有 4個單位揸手, 10年開始分別賣出貝沙灣和嘉亨灣單位,共賺過千萬,退休都未驚過。

去年 12月周國賢開個唱時,父母都有現身支持,周父仲帶埋相機幫寶貝仔影相。《蘋果日報》圖片

05年,周國賢和老婆李美英聯名以$1,218萬買入貝沙灣單位, 10年以$1,860賣出,一買一賣已經賺 642萬。

10年周國賢以$1,650萬買入天後翠巒閣 2,000呎單位,現市值約 2,500萬,一家大細移民前仍居住此單位。



鍾意就快D Share啦!