網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月25日 星期三

[FACE 344] 餓過《 My盛》假子珊  38歲蝦頭瘟 6呎 子珊,徐子珊,MF,




上週五( 20日),《 My盛》大結局後,蝦頭並非同子華、子珊下場,而是趕去九龍城「龍城吧」夜會 6呎、年僅 26歲的 UStar校草 Edwin Luk(陸啟聰),兩人飲至淩晨 4點才醉醺醺離去。

封面

餓過《 My盛》假子珊  38歲蝦頭瘟 6呎𡃁仔

《 My盛 Lady》圓滿落幕,最爆係邊個?唔係教主子華、唔係熱褲子珊,卻肯定係出鏡尾嗰三集、討論多過主角子華加子珊嘅蝦頭(楊詩敏)。

下個星期( 29日)就滿 38歲,盛女蝦頭雖然係電視新人,其實喺舞台劇界橫行 18年一早係劇後,喺情場更加情史豐富擁有八國聯軍歷任男友。人氣急升、《 My盛》大結局當晚,即趕住下場急會 26歲 6呎仔、參加過首屆《 FACE》 UStar校草選舉嘅陸啟聰。盛女冇蝦頭份,未玩夠至真!

其他影片

肥子珊未出場,《 My盛》收視已經高過 30點,最終三集蝦頭爆笑登場即成全城熱話。

電視圖片

為套劇,扮花癲強吻又要扮醜版徐子珊,成為全城熱話,證明蝦頭進軍電視頭炮得咗!上月尾蝦頭為宣傳《 My盛 Lady》接受本刊專訪,自爆現時單身,不過絕非盛女:「我啱啱同前度男友分咗手三個月,佢係中學教師,拍咗拖一年。我唔想拍拖住,人愈大愈了解自己,我太唔定性喇,不如同異性朋友 keep住個友誼好過。又啱啱開始拍電視劇呢?先一個人闖嚇、專注嚇新嘅事業先。」

酒吧會 3壯男

話要專注事業先?十個藝人九個都鍾意講呢句,有幾成真大家心照。上週五( 20日)《 My盛》大結局,各大討論區、社交網站處處都被蝦頭個「子珊 look」洗版。

蝦頭當晚不僅約埋《 My盛》全員煲大結局,之後飲飽食醉後已經淩晨十二點,蝦頭依然有興致趕下場,搭高海寧順風車在淩晨一點趕到九龍城一間舊式酒吧。

劇情需要就話要扮鬼扮馬求愛不遂,現實世界蝦頭不知幾有男人緣,夜麻麻殺到酒吧會合三位久候壯男,蝦頭逕自坐在當中身形高䠷、外貌最俊的男士身邊,一埋位兩人隊啤、唱 K、飛鏢玩得不亦樂乎,其間蝦頭除不時稱呼俊男為「 BB」外,又笑又叫的蝦頭遇興奮爆粗:「你笑×我呀!」明顯交情不簡單。

攬住走

兩人又飲又玩三粒鐘,淩晨四點酒吧打烊終於捨得離去,行出酒吧截的士短短幾步路,蝦頭又挨又繑與 Edwin攬埋一嚿,之後仲要笑得鬼咁甜蜜。

情歌互唱

蝦頭自爆受男性歡迎,實情當晚確實三對一有三位男性友人陪伴,不過蝦頭全程黐住 Edwin,交情明顯最好,仲唱埋千嬅首〈假如讓我說下去〉,有仔在旁,把聲更靚!

陪掟鏢

蝦頭與 Edwin隊啤、唱 K再齊齊離枱掟飛鏢,一支鏢掟歪惹笑 Edwin,蝦頭豪放爆粗:「你笑 X我呀!」,玩得夠放。

執銀包識咗

網上圖片

據悉,俊男與蝦頭是酒吧熟客,職員及酒客心目中都以為兩人是情侶。而本刊發現,蝦頭的小男友原來 10年仍是學生,參加過本刊舉辦的首屆《 FACE UStar大專校花校草大選》打入 20強,當年是科技專上學院商業系學生,現年 26歲任職投資銀行,即是年紀細蝦頭足足 12年的陸啟聰( Edwin)。

週日( 22日)記者致電 Edwin, Edwin堅決否認與蝦頭拍拖,不過二人相識經過卻十足師奶劇:「我哋喺一年前識,真係好有淵源,話說我喺街度執到個銀包,打去畀佢攞番,佢話佢係做舞台劇嗰個蝦頭,跟住我哋就約咗喺樂富地鐵站交收,佢又請我食咗餐壽司多謝我囉。我哋真係唔係拍拖呢!就係啱 channel又好傾,係好好嘅朋友囉!我𠵱家都冇拍拖,但係真係唔會同蝦頭囉!」

蝦頭:我好主動!

被酒客當正一 pair,又試過齊齊飛去台灣墾丁享受陽光海灘, Edwin堅稱好朋友,蝦頭週日( 22)接受記者電話訪問,都係話好朋友:「係咩?有記者喺酒吧入面影到我哋相?我真係冇留意呀……因為我同 Edwin成日都喺嗰度掟飛鏢,同埋可以肯定我哋冇做咩親熱嘢,因為我哋真係唔係拍拖。咁我以前啲男朋友,都有老過我十幾歲、又有細過我十歲嘅,年齡對我嚟講不嬲唔係問題,我鍾意人仲會好主動,一定會出聲話畀佢知添。我哋係有一齊旅行,但唔止佢,仲有我媽咪同另一家人,加埋三個長輩三個後生。見家長有咩咁奇?我都見過 Edwin媽咪同佢飲過茶啦!但係同 Edwin識咗一年、咁 friend、成日見、咁啱 key……咁都冇拍拖,即係唔過電、即係冇可能啦!」 Friend到同雙方家長去旅行又叫 BB,真係少有啲咁囉!

結局一家親

「廣男哥」同「 Jennifer」大好姻緣差啲俾「 Laura」扠𡃁,其實三位不知幾親熱,結局夜攬埋一嚿

調戲沈震軒

未扮徐子珊前,蝦頭其實出鏡調戲高 Ling男友沈震軒已經爆搶鏡,好有《潮性》「送水輝哥」 feel。

電視圖片

同學羅敏莊:「成日都有異地情緣!」

蝦頭熱情,佢身邊好友及經理人都盛讚佢可愛兼性格搞笑,演藝同學羅敏莊更話好羨慕佢溝到異地男。

演藝同學羅敏莊

「佢第一日返學成個妹妹仔咁清純可愛,肥嘟嘟,我識嘅佢係魅力沒法擋!我不知幾羨慕佢呀,成日都有異地情緣!」

經理人邵子風

「佢未讀演藝我已經識佢,睇住佢咁多年都係受男仔歡迎,因為佢性格好又 funny,最衰係眼角高睇我唔上眼。」

閨蜜龍小菌

「佢梗係唔係盛女,而係『聖女』,我身邊啲 band友個個都嗌佢蝦頭 BB,見到佢話要錫佢一啖。」

6呎校草

「小男友」話同蝦頭因為執銀包而識好有淵源,其實「小男友」 Edwin同本刊都有淵源, 10年本刊首屆 UStar校花校草選舉,當年身為科專二年級生的 Edwin成功晉身二十強之路,不過 Edwin落選後依然有不少模特兒工作。畢業後則在金融公司擔任財富管理經理。

外形高大又俊俏, Edwin身邊不乏同齡美女圍繞,經常在社交網絡上載妙齡美女合照。不過 Edwin就話現時單身,冇女友,只有好朋友蝦頭。

兩人唔認拍拖,但於校草 fb內卻發現很多合照,其中一張更稱約埋「蝦頭食蝦頭」,咁風趣,抵你溝到女啦!

新劇有發揮

蝦頭在《 My盛》中客串 3集,嚟緊新劇《牛頭愛搭馬嘴》戲分則重得多,飾演男主角李思捷雜誌公司職員,除同麥玲玲有對手戲外,更主力負責搞笑,勁有發揮。

蝦頭出演過不少爆笑電視廣告、演活《潮性辦公室》系列、經常出現在詹 Sir掛帥劇目、又被詹 Sir帶進電影圈。

好戲版子珊

世界上最遙遠的距離,就是排除了所有機緣、變數、巧合、可能性之後,我們依然遇上,而你就站在我的面前,我竟不能看著你、觸摸你、擁抱你。

一個人並不孤單,當你最需要的那個人在你最需要他的時候他不在你身邊,而只有你自己一個人,最孤單。

蝦頭扮子珊多人讚,其實蝦頭 98年喺演藝學院導演系畢業、再轉軚修讀埋戲劇,畢業後即以自由身在香港話劇界活躍, 06年憑《愈笨愈開心》的師奶角色勇奪香港戲劇協會「最佳喜劇女主角」大獎。 07年加入 PIP劇團,與泰臣齊齊成為詹瑞文旗下兩大笑將,去年詹瑞文北上發展,蝦頭開始自編自導自演劇目獨立發展。做話劇叻,蝦頭亦愛喺微博分享感情,原來都幾感性。



鍾意就快D Share啦!