網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月3日 星期五

[忽然1周 962] 11月美國做人工受孕 朱茵懷第 2胎兩個月 朱茵,MW,




31/12心情靚爆

素顏朱茵當日心情靚爆,雖然沒有回應記者問題,但依然友善地向記者說「新年快樂」。

打頭陣

11月美國做人工受孕 朱茵懷第 2胎兩個月

去年 11月,黃貫中( Paul)發表「殺父論」震撼全城,事隔兩個月,他和太太朱茵仍然潛水,沒有公開解畫。

49歲黃貫中,近年情緒大起大落,但他坦言每當看見歲半女兒黃鶯(暱稱叉燒包),暴躁情緒便會自動降火。本刊收到消息, 42歲朱茵甘冒高齡產子風險, 11月到美國接受人工受孕,現已成功懷第二胎兩個月。

再次迎接新生命,阿 Paul近日心情明顯大靚。上周二平安夜,他和老婆一家人到又一村會所慶祝時,不單全程護實大肚老婆;對著記者時,更罕有笑曬任影。至於朱茵,亦在周二大除夕當日下午,到九龍城買定初生 B的「和尚袍」,為迎接新生命做足準備。

其他影片

快將踏入五十歲的黃貫中,去年 11月忽然在其微博自爆「殺父論」,怒斥老父打母親及媳婦朱茵。但其後遭本刊踢爆其 80多歲的老父,兩年前已中風,不良於行,根本不可能向朱茵動粗。而 Paul父母亦證實早年已仳離,因此令「殺父論」疑點重重。而自從揚言要「手刃老父」後,阿 Paul不單缺席擔正的新片《末世派對》宣傳和首映活動,和朱茵至今更斷絕所有對外聯絡。

孕味濃

在九龍城與友人買完初生 B仔衫,朱茵送友人到又一村俱樂部,攞車時側身睇,隱約看見其腰部微隆。

唔敢高調

兩年前朱茵初懷有第一胎時,阿 Paul好有計劃,和朱茵影半裸相放上微博公開喜訊,豈料佗 B期間驚險重重。為防極難再有的第二胎有閃失,怕 BB小器,今次二人刻意保持低調。

躁底等報告

其實阿 Paul在發表「殺父論」宣言時,正身處美國工作,據知當時老婆朱茵亦有同行,而甚少跟老公出 trip的朱茵,此行卻有另一個目的。阿 Paul友人透露:「阿 Paul嗰次去美國洛杉磯,除咗去結他廠買嘢兼同嗰邊啲 band友夾 band外,其實最重要係陪老婆做人工受孕。阿茵要留喺嗰邊幾個禮拜,做完成個療程先返得香港。阿 Paul本身個人心急又躁底,可能使咗廿幾萬又唔知得唔得,聽佢講又同老竇嘈咗幾句,於是挖番以前啲嘢嚟講,所以先寫『殺父論』上載微博,當時阿茵都㩒佢唔住。」

心急亂發火

去年 11月阿 Paul發表「殺父論」,原來他當時正在美國陪朱茵接受人工受孕未有結果,據知阿 Paul期間又同老竇在電話中有拗撬,先搞出個「大頭佛」。

唔修身等第二胎

去年中誕下黃鶯後有不少修身廣告商主動為朱茵減肥,但她一直想標尾會生多個,所以推卻廣告。四個月前,她依然腰粗躉大。《蘋果日報》圖片

Book定陪月

到了 12月初,朱茵的「親戚」未有依時到訪,阿 Paul和她到中環生殖科聖手蘇偉基醫生診所檢查,證實人工受孕成功,朱茵懷有第二胎。再次做老竇,躁 Paul當堂戾氣全消,更即時為老婆 book定離寓所路程不遠的聖德肋撒醫院。二人為防冇陪月幫手,當知道結果後,亦第一時間 book定陪月。阿 Paul友人續說:「阿 Paul今次比上次更緊張,對住阿茵寸步不離。就算之前接落返內地登台嘅騷,都推得就推。」

上圍穀奶

在九龍城廣場吉之島睇童裝時,朱茵熱到脫下羽絨褸,佗住馬 B的她,腰肢圓潤,上圍亦有穀奶跡象。

攻初生 B用品

朱茵當日在 BB用品店,專攻初生 B的「和尚袍」,更揀了黃色和藍色。看來有機為老公阿 Paul湊個「好」字。

滿載而歸

朱茵當日除了掃了幾件和尚袍,亦買了數條口水肩及紗布,滿載而歸。

笑唔停

朱茵當日無時無刻都笑容滿面,天降馬 B,令她心情靚爆。

兩公婆笑曬

懷有馬 B的朱茵近日深居簡出。直至平安夜傍晚時分,她穿著黑色羽絨大長褸,由母親和親姊護送步出九龍城寓所,抱著女兒黃鶯,登上阿 Paul駕駛的 Hammer四驅車,到又一村花園俱樂部食飯迎聖誕。當阿 Paul把車駛入停車場送老婆入會所期間發現記者,即神色緊張上前盤問記者,但卻一改以前躁底作風,不斷瞇瞇嘴笑問:「你哋係邊間㗎?」臨行前更友善地向記者說「 Merry Christmas!」。食到晚上九時許,繼續由阿 Paul做司機,而冇化妝的朱茵,則笑笑口在車上與記者揮手道別。阿 Paul雖拿著 DV反拍記者,但面上卻掛著近年難得一見的慈祥笑容。正如兩公婆之前也說過,新生命的來臨確能融化向來躁底的阿 Paul。

24/12罕有冧笑

平安夜當晚,阿 Paul接載朱茵母女、朱茵家姐到又一村俱樂部食晚飯慶祝。出車離開時,阿 Paul雖用 DV反拍記者,但難得全程笑曬。

大肚婆勁 high

食足三個幾鐘,懷第二胎的朱茵表現風騷,笑曬口向記者揮手 say bye。

阿媽護送

傍晚時分,抱住女兒黃鶯外出的朱茵,由朱媽媽(箭嘴)及其他家人護送上車,如臨大敵,朱家上下對她十分緊張。

買初生 B仔衫

佗女開喇叭

兩年前朱茵和阿 Paul到馬來西亞做巡迴後,回港時在機場被半百記者包圍。事後阿 Paul向記者透露:「我哋一早註咗冊,咩都搞掂曬。」

在家中過了個溫馨聖誕,大肚朱茵在周二大除夕下午,又忍唔住要出街。當日氣溫回升至廿幾度,但朱茵仍然羽絨上身包到冚。當日她相約兩名友人在九龍城廣場睇童裝。現場所見,朱茵即使穿上大褸,但仍可見到身形明顯腫脹,其腹部微隆和上圍有脹奶跡象,孕味甚濃。心急為肚裏 BB添衣的她,當日在吉之島購買 BB用品時,專攻黃色和粉藍色的「和尚袍」。看情形,今胎極有可能如阿 Paul所願懷馬仔。朱茵掃完貨,再到又一村花園俱樂部醫肚。記者上前向她恭賀,面上掛上笑容的她不斷說:「哈哈,唔好問我啦,我唔會答你哋問題㗎!」心情靚爆的她,臨上車前不忘向記者說:「新年快樂。」

一成機會懷孕

舊友恭喜

昔日 Beyond樂隊成員世榮及家強得知朱茵有喜連聲恭喜,更祝福他們幸福快樂,遠離煩惱。《蘋果日報》圖片

據知,阿 Paul對朱茵今次再度懷孕,既喜悅萬分但亦份外謹慎,全因 42歲朱茵屬超高齡產婦,她懷第一胎時曾作小產。生完囡囡黃鶯後,醫生已告知朱茵再懷孕的機會很低。今次標尾會再佗 B,全家人也份外小心。為怕 BB小器,二人亦不會像懷第一胎時,高調在微博公告有喜。而朱茵早前在自撰的育兒書中亦曾透露:「婦產科醫生同我講,若別人有六、七成機會懷孕,但我再懷孕機會就只得一成……佗黃鶯時,曾因為幫狗沖涼跣倒,我驚到大嗌。阿 Paul好緊張送我入院,好彩過幾日冇事……到懷孕近七個月,又試過突然大量出血;到臨生前有一晚,半夜又有血水流出;到醫院嗰陣,見到阿 Paul好擔心。」雖然佗第一胎驚險重重,但亦無阻朱茵生第二個的決心。早前她出席活動時亦透露心跡:「雖然囡囡仲細個,但生 BB係開心事,如果再有新生命來臨,我同阿 Paul都好歡迎。」

即將升任第二任老竇的阿 Paul,將要肩負照顧一家四口的重任,希望他可以化躁火為動力,努力搵錢,到時朱茵就真係安樂曬!

得意女融化

自從女兒黃鶯出生後,阿 Paul父愛滿溢,頻頻在微博發與女兒的親子相,更揚言自己被女兒「融化」。至於朱茵,早前更出書記錄囡囡的成長過程,兩公婆同樣錫到個女燶。

任萌爆囡囡舞

自從女兒出世後, Paul坦言已謝絕不少 band友聚會,寧願留在家中湊女,除了親自落手落腳照顧女兒起居飲食外,就算女兒把小腳放在自己臉上亂踢,他也樂在其中。

出書記載成長歷程

朱茵早前出散文集《 6磅 10安士》,記載女兒「叉燒包」黃鶯的成長可愛事。她說:「呢本書係送俾囡囡嘅情書,其他人眼中嘅瑣碎小事,對初為人母嘅我意義好大。」母愛滿瀉。

愛妻號

阿 Paul不但愛冧女兒,也不時在微博冧老婆,二人你一句我一句,寃氣到暈。

食甜蜜湯圓

元旦日,朱茵親自下廚整湯圓,阿 Paul鯨吞湯圓之餘,朱茵亦放縱地食,看來大肚婆胃口不錯。

月亮做證

中秋節期間,阿 Paul上載朱茵的童年照,更寫上「永遠愛你」,遭朱茵笑罵他太公開。

高齡生幾件

現今科技發達,以前三十幾歲就叫高齡產婦,現在愈來愈多藝人,過四十才生 B。只要俾得起錢,人工受孕安全又方便,因此圈中不少高齡女星,都試過生完再追。

黎姿

2008年嫁予馬廷強,同年於醫院剖腹誕下一對雙胞胎女嬰馬家蔚及馬家鎂。黎姿於 2012再誕下一名小女兒 Pegella,生第二胎時,黎姿已 41歲。有傳兩胎都是幫襯「不育救星」何永超做人工受孕。

林青霞

和富商邢李㷧早已結婚的林青霞, 41歲生完大女愛琳後,於 46歲時才誕下細女邢言愛。

朱麗倩

兩年前,年屆 46歲的朱麗倩為劉德華產下女兒劉向蕙,據知同樣幫襯何永超醫生做人工受孕。去年 10月再傳朱麗倩懷孕。

其他影片


鍾意就快D Share啦!


Related Posts Plugin for WordPress, Blogger...