掃呢頁CODE去手機

2014年1月3日 星期五

[忽然1周 962] 3月內連掃土瓜灣三舖 偉仔 2.5億物業冇嘉玲份 嘉玲,梁朝偉,偉仔,劉嘉玲,MW,




偉仔和嘉玲身家億億聲,十分驚人。男方近年喜好買舖投資,女方則熱衷創業做老闆,各有所長。

滾熱辣

3月內連掃土瓜灣三舖 偉仔 2.5億物業冇嘉玲份

周一( 12月 30日),梁朝偉和劉嘉玲齊齊亮相梅艷芳逝世十周年音樂會,紀念一代歌後。當晚完騷後,二人並無接受訪問,便一同返回山頂愛巢。

其實近年二人幕前演出並不算多,劇本挑選方面更趨嚴謹,皆因他們投資有道,坐擁身家以億元計,生活絕對無憂。早前就有傳嘉玲於上海買億元豪宅投資。

嘉玲出手豪氣,但其實偉仔亦唔輸蝕。眼見香港住宅樓價見頂,他決定轉炒商廈及地舖,去年 10月至 12月,他便以公司名義,一口氣揼五千萬連買三個土瓜灣舖位。

翻查資料顯示,偉仔多年來炒樓炒舖炒商廈,現時擁有市值 2.5億物業,但全冇嘉玲份。記者就此事問過嘉玲,她大方說:「佢送俾我當然好啦,但自己買仲開心。」

劉嘉玲向來生財有道,早前她更打入內地《娛樂圈投資富婆榜》,以 8億港幣身家稱冠,當時她否認說:「呢啲新聞笑下算,我係勞動人民,不停工作。」事實上,嘉玲的物業和生意遍布中港兩地,身家豐厚毋庸置疑。相比之下,老公梁朝偉在投資方面,表面上較為遜色。

睇好沙中線

其實偉仔只是深藏不露,低調炒舖及寫字樓。本刊發現他去年 10月至 12月三個月期間,以個人持有的「金壤有限公司」名義,豪花五千萬掃走三個土瓜灣地舖,而且更是睇舖一次便立即落訂,十分快手。知情人士說:「我哋見到偉仔嚟睇舖嗰陣都嚇咗一跳,佢睇舖嗰陣好沉默,更會行出去一轉,望下附近環境,同埋舖頭上面嘅住宅外貌,冇細睇舖頭內櫳。佢好爽快,帶佢行一轉就撲槌㗎喇!」出手快夾狠,難怪嘉玲早前亦唔覺意漏口風:「其實偉仔好專業,買樓出手仲快過我。」

一直投資港島區物業的偉仔,突然對土瓜灣舊區情有獨鍾,原來睇好該區的發展潛力。知情人士說:「偉仔炒樓唔多,但每次一擊即中,冇試過損手離場。今次係佢主動提出話要炒土瓜灣舖,佢話嗰度依家興建緊嘅沙中線, 2018年正式通車後,到時地舖價錢一定飆升。佢仲認為嗰度啲地舖上蓋嘅舊樓,樓齡至少有 40年,隨時會俾大地產商用高價收購喎!」

罕有開金口

周一( 12月 30日),偉仔出席梅姐紀念音樂會,演唱其經典曲〈朦朧夜雨裡〉,獲不少網民激讚唱功足以媲美專業歌手。

在紀念音樂會上,嘉玲亦有份上台分享她當年與梅姐的點滴,之後她和偉仔更與其他嘉賓齊齊合唱。

事後通知老婆

近年嘉玲專注創業,早前她便與名人鄧永鏘合資近億元,於灣仔開設高檔家品店。開幕當日,她更請來國際超模 Kate Moss擔任剪綵嘉賓,偉仔當然亦有份撐場。《蘋果日報》圖片

記者翻查資料,發現偉仔多年來均以幾間不同公司名義炒樓,合共市值經已達兩億半,認真犀利。不過記者發現偉仔公司名義下的物業,嘉玲一個名都冇。二人多年來一向財政獨立,兩公婆甚少過問對方的投資策略。知情人士說:「偉仔投資方面好冷靜,好似佢前年喺黃竹坑用六千萬掃咗六個商業單位,係唔聲唔聲,事後先同嘉玲講。嘉玲咁多年嚟都慣曬,而且嘉玲佢自己都大把,所以從來唔介意偉仔喺啲物業上有冇佢個名。不過偉仔多年嚟有個原則,就係一旦接咗電影就唔會投資,因為佢要擺曬全副心機去揣摩角色,冇心機去搞手續。」

偉仔獨行獨斷,但嘉玲為尊重老公,每次撲槌投資前,都會徵詢偉仔意見。「嘉玲唔係要得到偉仔批准,只係希望老公知道自己行緊邊步棋。不過偉仔每次都係叫嘉玲放膽去做。」

嘉玲:自己買仲開心

記者就土瓜灣連掃三舖一事聯絡過偉仔,他承認此事,並笑說:「都係買磚頭啫,冇乜特別吖!(點解唔預嘉玲呀?)都係當儲蓄啫!嘉玲自己都有投資,我一向都好少講呢啲嘢!」

記者亦就此事聯絡到嘉玲,她聽後哈哈大笑:「都話佢依家專業㗎啦!(唔叫佢喺舖加你個名?)我不嬲好獨立,佢送俾我當然好,但自己買仲開心,我唔會要求。但佢送俾我,我亦唔會拒絕㗎!」嘉玲講到出口,偉仔識做啦!

開設夜場

嘉玲投資眼光向來獨到,早年已放眼大中華,於上海開設的「 Muse」及「 M2」兩間夜場,吸引不少名人幫襯。圖片

代理潮牌

嘉玲亦代理美國街頭潮牌 Ed Hardy,更於上海開設專門店。圖片

公司名義買舖

偉仔一直以公司名義在買賣樓宇,他分別是「金壤有限公司」、「禦高有限公司」和「 TELE VIDEO SYSTEM COMPANY LIMITED」三間公司的董事,惟嘉玲則沒有股份。其中「禦高有限公司」則由偉仔和母親梁麗娟共同持有,股份比例則為梁朝偉佔 99%,其母佔 1%。而偉仔近來在土瓜灣連掃三舖的行動,則透過自己全權擁有的「金壤有限公司」買入。

梁朝偉非常孝順,他和母親共同持有的「禦高有限公司」,前年就以 6千多萬買入 6個黃竹坑商業單位。

初試水溫

偉仔近來最先買入的地舖位於高山道,買賣日期同樣是 10月份,以 770萬小試牛刀,該舖現時未有商戶承租。

重鎚一擊

在三間地舖中,最貴就莫過於去年 10月,以 2,560萬成交的北帝街地舖。現時就由藥房承租。

掃潛力地舖

偉仔明顯看中土瓜灣的發展潛力,以「金壤有限公司」名義狂掃該區三個地舖。最新的投資在去年 12月,以 1,500萬買下新柳街地舖。地舖屬兩條街的轉角位,極為開揚,現時由汽車零件店所租。

曾淵滄:要有財力守

現任香港城市大學商學院工商管理科學系副教授曾淵滄,經常為各大報章撰寫經濟專欄。

財經版專欄作家曾淵滄對於土瓜灣地段的升值潛力,坦言不太樂觀。他說:「好多人都知道沙中線建成後會帶旺附近地區,但一定要等得,地鐵站一日未起好,一日也未見其利。

「其實舊樓地舖仲好,因為隨時有集團收購拆建,所以升值能力高。」偉仔其實炒樓甚有眼光, 08年偉仔以 2,880萬買入中環威靈頓街地舖, 5年後近 8千萬賣出,賺近 3倍。

身家驚人

梁朝偉和劉嘉玲 1989年因合作舞台劇撻著,經歷多年愛情長跑,直至 08年才在不丹結婚。二人多年來財政獨立,除分別以不同公司名義在香港買磚頭投資,二人現時住的山頂愛巢,則透過海外公司持有。據知此間海外公司,則為二人聯名。



鍾意就快D Share啦!