網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月10日 星期五

[忽然1周 963] 480萬重慶做騷 陳豪囝囝滿月酒延期 陳豪,MW,




Mo媽同行

晚上六時許,陳豪梳靚個頭,西裝骨骨到達位於重慶市中心的樓盤展銷會,由工作人員帶領進場。陳豪進場前眉頭緊皺,唔通掛住剛滿月的 Aiden?

滾熱辣

480萬重慶做騷 陳豪囝囝滿月酒延期

上月 4日陳茵媺為陳豪誕下重 6磅 11安士的 Aiden,全城恭賀。眨眼囝囝已經滿月,不過陳豪並未為 Aiden擺滿月酒,滿月當日還飛到重慶做騷。

本刊記者獨家直擊,上周六( 4日)早上六時半,陳豪從大埔寓所出發到深圳機場,再轉乘深圳航空到重慶做樓盤騷。雖然頻撲又辛苦,但發展商出到天價 380萬人仔(折約港幣 480萬)力邀陳豪做代言,展銷會當晚他幫手 sell客非常落力。

36小時賺幾百萬人仔,時薪超過十萬,就算撞正 Aiden滿月都局住延期啦,搵奶粉錢緊要嘛!

其他影片

陳豪自去年 6月與陳茵媺結婚後,兩公婆出騷價齊齊飆升。上月榮升爸爸的陳豪密密做,大小活動未停過,無綫吸金王當之無愧。最近大陸樓盤「禦龍天峰」出天價邀陳豪北上重慶出席活動兼代言,據知酬金竟達 380萬人仔,不過活動當日剛剛撞正陳豪仔 Aiden滿月,惟有延期擺酒。

知情人士透露:「阿 Mo本來計劃 Aiden足月當日擺酒,不過幾個禮拜前有單大陸樓盤 job出 380萬人仔搵佢做騷。佢哋鍾意阿 Mo初為人父形象好,所以開出天價,冇理由唔接囉!同場嘅鄧萃雯都唔過 60萬。阿 Mo同老婆 Aimee商量後,決定將滿月酒延期,改為擺百日宴,仲同老人家講依家興擺百日宴,到時 Aiden三個月大夠實淨,親友輪住抱都唔怕整親。」

Aiden出世至今,陳茵媺只在微博發了這張照片,如今滿月的 Aiden應該大個仔好多,係時候帶出來同大家見面喇!

經深圳過關

酬金咁可觀,即使辛苦啲都值嘅。由於香港機場早上沒有直航機到重慶,陳豪又不想提早一天到當地。在陪老婆囝囝多一日的大前提下,他選擇做騷當日天未光起身,坐七人車經深圳灣過關到深圳機場,搭飛機到重慶。

上周六( 4日)早上八時半,陳豪與母親及男助手一行三人到達深圳機場。記者上前與他們打招呼,面帶倦容的陳豪表示要到重慶工作。由於無綫對本刊的「禁制令」還未解封,他不太方便回應記者問題,即使問他有否掛住家中妻兒,他都只笑住說:「唔話你知!」剛續約無綫的他果然尊重公司。

1月 4日深圳上機

上周六( 4日)囝囝 Aiden滿月,陳豪晨早去深圳搭早機到重慶。雖然咁辛苦,但見到本刊記者都笑面迎人,好好先生絕對唔係浪得虛名。

唔夠瞓的陳豪登機後即戴上口罩休息。因為未食早餐,瞓一陣又起身食個牛肉麵,之後繼續再瞓,全程冇同身邊男助手交談過。

機艙瞓到冧

隊湯麵

Sell樓盤

位於重慶麗音橋附近的新樓盤「禦龍天峰」,雖然還未起好屬樓花,但展銷會照樣高價請來陳豪及鄧萃雯做嘉賓代言,兩人在展銷會與買家一齊睇樓盤模型。

載歌載舞

登台當然唔少得唱歌跳舞,陳豪有首自己歌《天與地》主題曲〈年少無知〉,不過為配合國內同胞口味,他唱了兩首國語歌助興,有台型喎!

合照冧客

陳豪在國內知名度高,拍劇酬勞超過三十萬一集。他一現身即被場內 VIP拉住合照,去到邊都似螞蟻嘍蜜糖,陳豪亦來者不拒。

Aiden好腳頭

Aiden出世後,陳豪好爸爸形象入曬屋,除了餅店代言之外,鬚刨、男士護膚產品、服裝品牌,甚至家庭品牌、婚紗公司、 BB商品都高價搵他代言。最近 TVB亦以千萬挽留陳豪續約,加埋大小活動登台,單計呢一個月,陳豪月入過二千萬, Aiden果然好腳頭。

上月陳豪出席金融投資活動,這類有家室的成熟型男士特別受投資公司喜愛。

唱國語歌冧客

陳豪一上機就戴上口罩大覺瞓,但國內航空公司的頭等艙座位質素麻麻,他顯然瞓得不太舒服,不停鬱來鬱去。經過兩個多小時的機程,終於抵達重慶機場,陳豪由四名西裝保鑣接機護送返酒店休息。

晚上六時許,充電後的陳豪精神不錯,西裝筆挺打埋煲呔到達樓盤騷場地。他當晚唱了〈愛我別走〉及〈祝福〉兩首國語歌,又與鄧萃雯在台上介紹樓盤,令在場的 VIP買家心情勁 high。不過陳豪的普通話太爛,經常弄出笑話引到全場大笑。

以往陳豪出埠工作, Mo媽都未有同行,今次 Mo媽全程跟實。據知是因該發展商給陳豪「優惠價」購買單位,陳豪想送層樓給母親收租,故同行睇示範單位。

1月 5日電暈重慶妹



陳豪出席完樓盤騷後翌日( 5日)中午到重慶機場準備返港,沿途都被不少途人認出,仲有女 fans到場送機。陳豪笑得咁冧,仲唔電暈女 fans咩?

歸心似箭

陳豪由重慶返港步出機場時急急腳行,肯定趕住返家見妻兒,他坐保母車直達大埔比華利山寓所。

老婆穀奶發燒

早前陳茵媺因為穀人奶導致發燒,結果要住院三日休養。現時雖然已退燒,她依然勞心勞力湊仔,所以陳豪每次工作後都盡快回家,幫手湊仔之餘亦要呵護老婆。不過陳茵媺已急不及待復工搵錢,曾說產後一年才復出拍劇的她,原來已接了數個「 easy job」商演。下周四( 16日)她將產後首度復工,出席尖沙嘴一間新店開張活動。

產後 fit爆復工

下周四( 16日)陳茵媺將產後首復工,出席尖沙嘴新店開張活動。佗住 Aiden都沒有發胖的她,據知已修身不少,屆時將 fit爆現身。

豪擺三十圍

陳豪為出騷要取消囝囝的滿月酒,但他已開始籌備百日宴。無綫更向陳豪提出獨家現場直播百日宴,知情人士透露:「 Aiden仔都未正式曝光,淨係得一張微博相, TVB梗係想飲頭啖湯啦!阿 Mo一家三口咁幸福,大家都想睇真啲 Aiden個樣似阿 Mo定 Aimee,到時收視一定勁過台慶。 Aiden百日宴除咗喺香港擺之外,仲會喺多倫多搞,因為 Aimee好多親戚朋友都想見嚇 Aiden仔,依家決定三月中總動員返去多倫多 Aimee爸爸開嘅麗晶酒家擺百日宴。」

周一( 6日) Aimee父母離開大埔比華利山,記者問 Aimee爸是否補擺滿月酒?他未有否認:「你哋問番阿 Mo啦!」 Aiden仔腳頭咁好,陳豪賺錢賺到笑,擺幾多圍百日宴都冇問題啦!

Aimee父母四萬咁口

周一( 6日)下午三時,陳茵媺父母駕車離開大埔比華利山寓所,到北角與親友飲茶。對於乖孫會否補擺滿月酒?兩老雖未有回應但全程笑曬口,有孫萬事足呢!

其他影片


鍾意就快D Share啦!