掃呢頁CODE去手機

2014年1月10日 星期五

[忽然1周 963] 容祖兒集郵 祖兒,容祖兒,MW,




博出位

容祖兒集郵

講開集郵,一般都係指啲「粉絲」同明星影嘅合照,原來身為樂壇一姐嘅容祖兒,都有「集郵」呢鋪癮。喺佢嘅跨年 show後台,每晚都有圈中老友撐場,容祖兒即使病到七彩都撐住影合照放上微博。咁星光熠熠嘅後台,必定係 14年最強「集郵」寶典。

蔡卓妍 平板姊妹花

為咗今次跨年演唱會,容祖兒唔單止瞓身演出,仲操到身上零脂肪,心口僅餘嘅少少肉都無埋,同出名平板身材嘅阿 Sa有得揮,果然係好姊妹。

謝霆鋒 撐足 3場

係人都知謝霆鋒貴人事忙,近排仲要為電影《救火英雄》四出宣傳,但佢點忙都抽時間到紅館撐場,仲一撐就三日,可想而知二人感情有幾好。

徐小鳳 殿堂貴賓

容祖兒貴為當今樂壇一姐,面對徐小鳳呢位殿堂級前輩,合照時亦做回小 fans,更大賣口乖稱對方是貴賓。未知小鳳姐即將舉行嘅個唱,會唔會請呢個世姪女做嘉賓呢?

張家輝 嘟嘴鬥 fit

早前為電影《激戰》練到一身肌肉嘅張家輝,專程到後台探班。容祖兒見到佢仲好得戚話要比較邊個身形 fit啲喎!家陣你開演唱會狂操,人哋休息咗成大半年,咁當然係你 fit啲啦!

鄭融 新舊龍嫂



鄭融早年同劉浩龍有過一段情,但今日佢竟然到後台支持對方現任女友祖兒,仲唔介意暴露身高缺點㖭!

李克勤 一家人

盧淑儀一向唔鍾意出鏡,但今次同克勤到後台探班,終於見到佢最新嘅照片,亦睇到呢兩公婆有幾錫容祖兒。



鍾意就快D Share啦!