[忽然1周 963] 馬德鐘 馬神真的出馬了? 馬德鐘,MW,

45歲嘅馬神拍劇騎馬就多，估唔到依家真係準備做馬主。

媽咪姐

馬德鐘　馬神真的出馬了?

馬德鐘近年北上發展，賺咗唔少人仔！媽咪姐最近就收到風，話馬神（馬德鐘）經朋友介紹下，成功做咗馬會嘅會員，仲想養馬做馬主㖭。「嘩！咁快收到風，都係幾個月前嘅事。（下一步係咪想做馬主？）都要抽到先得，打算同朋友夾份。其實一向都鍾意馬，不過就唔識賭馬，希望抽到啦！」

上年 2月，馬神買咗個 8萬幾嘅 Hermès Kelly Bag俾老婆，馬太張筱蘭即刻拎入馬場。依家老公想做馬主，有嘢揸手嘅馬太應該都唔會詐型！《蘋果日報》圖片

媽咪姐知道，馬會會員年費要 12萬 5千，而且要經 3位會員提議、附議等程序先可以入會，然後就有資格入紙申請做馬主。而馬會每年都會進行抽籤，中籤嘅會員先可買馬運返香港。好吖，如果買咗馬，兩公婆多啲孖住入馬場，就少啲是非緋聞啦！

鍾意就快D Share啦！

下一篇 》