全城熱爆的娛樂八封新聞 & 時事趣聞 & 生活 + 趣聞
男人到咗中年往往發福，不過對於年過半百嘅明哥黃耀明嚟講就例外！上周二（ 7日）明哥接受 now觀星台王賢誌（ Vinci）嘅訪問，媽咪姐見佢對衣著好有要求。影影嚇相，記起件外套之前見過記者，即刻除低，錄影時只著恤衫。到埋位訪問，明哥每趁空檔就「嗱嗱聲」補妝，勤力過媽咪姐多多聲呀！
中場休息時，梗係要補嚇妝，有兩位靚女輪流服侍，但明哥好體貼工作人員，猛叫佢哋試嚇枱上出自置地「唐人館」嘅點心。
原來早喺廿年前， Vinci同明哥喺溫哥華已經識咗， Vinci仲喺節目扮過明哥㗎！明哥同媽咪姐講：「佢問我借衫㖭，不過就唔記得有無睇過（節目）。」
係咪覺得明哥對鞋好鬼新呢？查實舊鞋嚟㗎。但佢次次著完都用袋入住先放好，勁！
