[忽然1周 965] 吳綺莉朝朝抱女 吳綺莉,MW,

吳綺莉同王賢誌 99年喺電視劇《非常保鑣》合作過，訪問時，王賢誌就特登揀有上海菜嘅餐廳，等 Elaine可以食嚇家鄉菜！

媽咪姐

吳綺莉朝朝抱女

上星期五（ 17日），吳綺莉（ Elaine）接受 now觀星台王賢誌訪問，講嚇同 14歲囡囡吳卓林嘅相處：「我每朝都會抱佢去廁所，總之喺張牀度換曬衫先俾佢落牀。不過近排抱唔到咯，因為佢好重！」

回復自由身嘅吳綺莉喺網上電台開咪，又要籌備年尾喺香港開嘅畫展，非常忙碌。但佢最重要嘅職責，一定係囡囡卓林嘅好媽媽。

媽咪姐聽到後，即刻「嘩」一聲，朝朝抱女，真係好「縱」嚇喎， Elaine即刻話：「因為我哋關係好 close，而且佢都好生性。以前喺上海讀書成績唔好，要請好多補習老師，不過返咗嚟香港後，佢見到我工作賺錢辛苦，依家讀書都 OK。」哦，咁都算乖女！

鍾意就快D Share啦！

下一篇 》