全城熱爆的娛樂八封新聞 & 時事趣聞 & 生活 + 趣聞
齋睇玉背，羅霖同 Mandy Lieu打成平手，但 Mandy Lieu再附加一條玉腿，即時又贏番個馬鼻。
咪以為後生大曬！女人最緊要識 keep！好似離咗婚、年紀四十有八嘅羅霖，就有本錢同 28歲嘅名模 Mandy Lieu喺陶傑部新戲《愛．尋．迷》中鬥性感鬥溝仔。早前佢兩個仲鬥到去纖體公司嘅晚宴。
當晚，咁啱得咁蹺，佢哋齊齊著黑色露背裙㖭！雖然羅霖同 Mandy Lieu相差成廿歲，不過講到纖腰同滑背，絕對唔輸蝕。咁羅霖話曬係代言人，見到嘉賓 Mandy Lieu成副戰鬥格踩場，當然唔敢怠慢啦！
著到靚靚嘅 Mandy Lieu，一埋位就係咁食，嗰副為食相即時扣分。
羅霖就全程 mark實老闆娘陳太，兩個密密斟，其他人完全攝唔到位。
另一位代言人鍾嘉欣，唔知係咪剛從韓國拍劇返港，未有時間去做機，竟然出現小肚腩！所以話，女人真係唔懶得。
