掃呢頁CODE去手機

2014年1月24日 星期五

[忽然1周 965] Stephy陳嘉桓面左左 Stephy,鄧麗欣,MW,




周一( 20日)晚,著平底鞋嘅 Stephy,企喺著咗 3吋高踭鞋嘅高妹陳嘉桓身邊,輸曬!佢哋兩個全晚仲好似唔識咁,愈企愈開,連前輩龔慈恩都忍唔住眼望望呀。

媽咪姐

Stephy陳嘉桓面左左

傳聞已經榮升方太嘅 Stephy鄧麗欣,周一( 20日)喺新片《男人唔可以窮》煞科宴上笑住否認,但又唔肯發誓未嫁,有古怪!

楚河漢界

落咗台,兩個中間繼續 keep住條楚河漢界, Stephy仲黑面繑曬手㖭!唔妥到出面。

不過媽咪姐仲留意到,佢全晚同合作拍過 MV、識咗好幾年嘅陳嘉桓( Rose)完全零交流,面黑黑,仲古怪!咁 Stephy例牌否認:「現場咁多人,好難同每一個人都有眼神交流喎!」嘩,你哋企隔籬都可以望唔到,會唔會仲難呢?好啦,咁又問嚇 Rose,佢就話同 Stephy感情唔錯,「無交流係因為大家都等緊影相啫。」 Well,感情唔錯又會台上台下都無一粒字講過嘅?好彩後尾媽咪姐同幕後人八到,原來 09年佢哋合作拍方力申、鄧麗欣合唱歌〈七年〉嘅 MV時, Stephy眼見當年 17歲蔔蔔脆嘅 Rose向住小方甜笑勁放電,即時嬲爆,擺起阿姐款狂點佢,所以兩個人早有積怨囉!嗯……咁 Stephy同小方仲未正式修成正果,又難怪要處處防住嘅。

5年前結怨

09年, Stephy為合唱歌〈七年〉做 MV編劇,小方就做導演,陳嘉桓係女主角。據知陳嘉桓嘅甜笑冧暈小方,搞到 Stephy黑曬面。

哎呀,幫邊個好呢?(設計對白)



鍾意就快D Share啦!