2014年1月30日 星期四

[忽然1周 966] 倫敦直擊 百五萬包 30老死機票 陳奕迅散錢治躁鬱 陳奕迅,MW,




當日下著毛毛細雨,兩人拖唔夠一陣, Eason又回復雙手插袋狀況。

打頭陣

倫敦直擊 百五萬包 30老死機票 陳奕迅散錢治躁鬱

兩、三年間走遍全球,做了過百場演唱會的陳奕迅,年賺 7千萬。不過,風光背後卻換來沉重代價。

去年自爆患躁鬱症及人群恐懼症的 Eason,上月在「叱吒」頒獎禮再次壓力爆煲,玩嘢 hea唱兼掟獎。

事後他雖然公開認衰,但老婆徐濠縈眼見老公情緒失控,便借 Eason獲倫敦母校金斯頓大學( Kingston University)頒贈榮譽博士機會,豪花百五萬買機票,請圈中老死,包括房祖名、何超儀、梁漢文、趙學而、葉佩雯及 Eric Kwok等,連親友差不多三十人,齊齊赴英為 Eason攞博士銜頭撐場。

有得威威,父親陳裘大及好友又車輪轉日日陪吹水兼吃喝玩樂, Eason難得重展歡顏。

看他在倫敦街頭肆意扯煙、狂笑、搭地鉄,充分享受那份久違了的歡樂。

其他影片
  • 獨家直擊  Eason阿徐倫敦分頭玩
  • Eason high爆做博士 阿徐面黑黑
  • 好友 Eason做博士  Wyman唔捧場寧瘟仔

23日淩晨, Eason一家與梁漢文、何超儀夫婦一行約十多人直飛倫敦。今次 Eason赴英行程為期 9天,除了到母校做博士,亦乘機一家人旅行,逗留至年初二返港。 Eason一家於英國時間淩晨 6時落機,原來隨行的不只 Eason的圈中老死,更有近廿名親友伴隨。 Eason預訂接載眾人返酒店的三十多人大巴亦座無虛席,「撐臣幫」浩浩蕩蕩前往 Eason下榻的 The Soho Hotel酒店。

「 Eason兩個多月前收到母校金斯頓大學( Kingston University)封信,知道會頒個榮譽博士學位俾佢嗰陣,已經開心到爆。咁阿徐見佢呢幾個月情緒好波動,就提議不如搵埋班朋友去睇佢做博士,順便同個女包包(康堤)去旅行。 Eason一聽就好高興,仲話若果朋友咁俾面,就包埋商務機票俾佢哋,實行齊齊開心,一定要開 P玩大佢。」

中午時分, Eason突然拖住老婆,由酒店門口步出。

會合阿徐兩個 friend後, Eason更墮後同老婆嘅 friend笑曬口,似乎對住外人, Eason仲開心,唔怪得之後佢又行開搵 friend吹水!

24/1全日 high爆

Eason93年入讀金斯頓大學,修讀建築系,但 95年他返港加入樂壇放棄學業。未完成學士的他今回三級跳,難怪他欣喜苦狂,在台上緊張地說:「我非常榮幸得到呢個榮譽。」

獲頒博士後, Eason依依不捨同教授們繼續吹水,興奮緊張心情仍未平伏。

完了頒博士儀式,傍晚 6時,「撐臣黨」陸續上車離開。

阿徐在現場打點,幫 Eason安排撐場嘉賓上車,「撐臣黨」近四十人,要 3架車至坐得曬!

阿徐係潮人,年紀小小的女兒康堤亦周身名牌,手上的 Issey Miyake銀色袋,價值港幣 5千多元。

祖名聽吐苦水

今次攞博士銜頭, Eason好重視,除了圈中一班老死,仲請埋他的舊同學及親友觀禮。除 Eason一家坐頭等外,近十個熟人老死則坐商務客位另加十多張經濟客位機票,加埋成 150萬,據知有部分親友更獲包食宿, Eason非常豪氣。

可能因為坐完長途機關係,眾人剛抵倫敦即返酒店休息,直至下午三時許,才見 Eason與房祖名外出。兩人卸下明星戰衣,衣著低調,做番路人甲,更不避嫌在大街上扯煙吹水。

初時 Eason皺曬眉,似向好友吐苦水,房祖名卻一味點頭示意。兩人漫無目的在附近遊逛。行了廿多分鐘,房祖名經過快餐站,買了個包即大啖咬,「餓相」逗得 Eason大樂。之後他們突然走入 Oxford Circus地鐵站,買完票,兩人急步入閘,並在人群中消失。

25/1吹神發功

Eason見老竇陳裘大企到攰,終於撇下阿徐離開。不過 Eason依然冇停口,陳父仲聽聽嚇瞇埋眼,唔知係咪嫌個仔太多口水。

老婆阿徐在時裝店狂掃, Eason惟有發揮「吹神」功力,同老竇陳裘大及其他友人吹水。兩父子有講有笑,足足企了半小時都未見阿徐出現。

之前與 Eason傳不和的經理人陳家瑛之後加入吹水團,見 Eason四萬咁口,搭曬膊頭,就知兩人已私下傾掂數。

阿徐掛住買嘢,在店內半粒鐘都未出來,陪買的黃佩雯冇癮坐在石壆上發呆。旁為其夫 Eric Kwok。

廿支紅酒慶祝

24日早上, Eason到母校受頒,他住在英國的母親及哥哥亦有到場支持。在可容納五百觀眾的劇院中,「撐臣幫」都算人多勢眾。整個典禮由早上十時半舉行至下午五時許,雖然直踩多粒鐘,但 Eason全程 high爆,就連休息時間,亦抓緊機會與教授吹水,「黑面神」終於變回「吹神」。就連有學弟、學妹,甚至 fans埋身影合照,他都樂做布景板。據知,當晚 Eason在下榻的酒店的地牢餐廳豪花 40萬包場狂歡,更開了近廿支紅酒,看來一定盡興而歸。

翌日中午, Eason夫婦及「撐臣幫」到時裝店林立的 Dover street及 Oxford street掃貨。不過本刊記者連日觀察,阿徐在店內購物時, Eason便在店外跟其他老死煲煙。只見他不時手舞足蹈,發表偉論,反而甚少見到兩公婆行埋有偈傾。兩人每天由酒店出來都是各有各玩, Eason只愛與親友吹水,而阿徐卻專攻購物。她每天都是不停 shopping,腳步急促,似有買唔完的衫。但連日來她似乎心情麻麻,笑容不多。

同老婆各有各玩

Eason走後二十分鐘,阿徐才與友人從時裝店出來。

老公學人消失,阿徐面色一沉,但一樣唔理三七廿一,繼續是日購物行程。

阿徐在 Oxford street的名店行完一間又一間,兩夫婦分道揚鑣,各有各玩。

阿徐與友人在 Browns Focus逗留 45分鐘,此店有多個品牌賣,包括 KENZO、 Alexdander Wang及 Givenchy。一件衫動輒近幾千英鎊(約港幣幾萬元)㗎。

與陳家瑛修好

之前與 Eason傳不和的經理人陳家瑛,亦有加入吹水行列, Eason當日一見對方,即上前迎接,並親熱地搭住對方膊頭。「其實 Eason頒獎禮玩晦氣後,都知自己唔啱,咪打電話俾陳家瑛耍冧囉。陳家瑛知佢情緒化,唔會同佢計較,但就話以後有咩都要攞出嚟商量,唔可以亂發脾氣。」

今次「撐臣幫」,除了趙學而,梁漢文、蘇永康、何超儀、杜如風、葉佩雯及 Eric Kwok等,連早前盛傳與 Eason翻臉的陳家瑛都在場,卻獨欠手帕交 Wyman黃偉文,看來 Wyman與 Eason的友情面臨考驗。

早前 Eason一炮過以 2.31億買下南區 Shouson Peak豪宅送老婆,非常大手筆。

23/1大吐苦水

由機場抵達酒店後,休息兩小時的 Eason終於出動,與房祖名外出,房一見快餐店即買包狂𡁻,「餓相」逗得 Eason大樂。

唔知係咪太耐冇搭過 Underground(地鐵),兩個大男人買張車票,足足搞了十幾分鐘至掂。

Eason樣子嚴肅,似向祖名吐苦水,唔知係咪接收咗對方的負能量,祖名愈行愈凍,仲戴埋頂帽包到冚。

獨欠 Wyman

其實兩人關係變差,除了因為早前 Eason演唱會 DVD抽起 Wyman作的歌外,與 Wyman密友吳偉文(精神科醫生)有莫大關係。年多前, Eason經 Wyman推薦下,幫襯開吳偉文睇症減壓,但後來 Eason卻轉睇精神科權威曾繁光,因而令 Wyman不是味兒。

另外,除了老婆阿徐外, Wyman亦是 Eason的形象顧問,但 Wyman試過之前幫 Eason揸主意買衫,但最後卻不合 Eason心水,雙方各持不同意見,亦令 Wyman十分冇癮,兩人裂縫愈深。再加上近日 DVD事件, Wyman今次沒赴英為 Eason贈興,亦有跡可尋。

超儀與學而兩位煲煙雙娃,不時在街頭煙駁煙,噴煙指數是眾人之冠。

相比 Eason夫婦,梁炳跟老婆卻是糖黐豆,秤不離砣!

Eric Kwok與其他麻甩佬都是 casual wear shopping,但蘇康每天都執到正似行騷,男人中最姿整一定係佢!

轉睇精神科權威

雖然早前 Wyman曾自爆到法國睇 fashion week,但 26日下午,本刊卻發現他與密友吳偉文在利園行街街,證明他「冇到」並非因為唔得閒。

「一年前, Eason經友人介紹睇曾繁光,但佢從來都唔會去診所,曾醫生通常會帶一個護士上佢屋企睇症。曾醫生主要幫佢做心理輔導,見佢情況差嗰排,至會開藥。 Eason約三至四個月睇一次,尤其喺開巡迴演唱會之前就一定要睇。」知情者說。

除了養家, Eason還有個置裝費每季高達七位數字的老婆徐濠縈,加上剛剛一炮過買咗間 2億幾的豪宅,經濟壓力可想而知。不過今次英國之旅,大班朋友在身邊聽佢吹水,俾佢發洩負能量,看來是穩定他情緒的最佳良藥。

機票豪花百五萬

陳奕迅回母校做博士,除一家三口外,更豪包來回機票,一次過邀請 30位親友到場分享喜悅。由於陳奕迅有不少朋友都是圈中人,為方便好友及長輩,過半數賓客更是坐商務客位。

2萬 1住一晚

The Soho Hotel London位於倫敦市中心區,是一間五星級酒店,位於旺區 Oxford Street旁邊,附近有皇家戲劇藝術學院( Royal Opera House),步行往附近的地鐵站約十分鐘左右。 Eason住的露台套房每晚港幣 2萬 1千元,住 9晚約港幣 19萬,計埋食宿及購物,估計今次英國之旅, Eason閒閒哋使 250萬。

豪住五星露台房

躁爆不絕

Eason自父親陳裘大因貪汙事件及肝病後,心情一直非常沉重,因此情緒開始欠穩,去年更自爆有躁鬱病。翻查出道以來, Eason不乏躁爆事件。

叱吒黑面

在 2014年 1月 1日舉行《叱吒》頒獎禮, Eason奪五獎,但在台上演唱〈任我行〉時,竟多次忘記歌詞,更走音失準,發火自嘲攞獎當之有愧,繼而黑面走下台,對表演失準只表示「食錯藥」。

大罵歌迷

2013年 7月, Eason在香港開了 25場演唱會,在最終場時,傳出他疑躁鬱症發作,情緒失控,觀眾未配合跳舞,便說他原來是跛的。

寸 Chok峯

在 2012年《勁歌》頒獎禮, Eason在微博上載一張攞獎 chok相,清楚可見他背後熒幕的林峯 fans牌,明寸林峯憑《 Chok》奪金曲金獎。

唔 like天王

在 2001年《叱吒》記者會中,他揚言除了張學友,其餘三名天王他都唔會買碟聽。搞到 Eason事後要開記者會解釋,但會上他又失控,更寸爆其中一名記者。

權威醫生助抗鬱

Eason近日轉看的精神科權威醫生曾繁光,曾在青山醫院任高級精神科醫生。曾醫生在 1993年曾因炒孖展而搞到債台高築。現時他在中環萬邦行執業,收費每次動輒數千元。他同時是一位作家,著作包括《該把生命整理一下》、《暴雨中的寧靜》等。

Eason嬲 Wyman唔俾面

陳奕迅和填詞人黃偉文( Wyman)一向老友鬼鬼,惟 Eason的《 Eason's Life 2013演唱會》 CD及 DVD中, Wyman填詞的 13首作品全部被抽起。有傳因 Wyman要求很高的版權費,而 Eason有出聲為「環球」做說客,要求 Wyman收取友情價,點知 Wyman企硬唔俾面, Eason一怒之下更表示寧願唔收錄 Wyman作品。

以往 Eason同 Wyman friend過打 band,在〈最後派對〉 MV,更親吻 Wyman額頭。

《 Eason's Life 2013演唱會》

其他影片
  • 獨家直擊  Eason阿徐倫敦分頭玩
  • Eason high爆做博士 阿徐面黑黑
  • 好友 Eason做博士  Wyman唔捧場寧瘟仔


鍾意就快D Share啦!
Related Posts Plugin for WordPress, Blogger...