網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月2日 星期四

[壹週刊 1243] 無牌冇情講 黃日華棄港視做逃兵 黃日華,港視,M1,




去年初,港視將軍澳廠房動土禮,黃日華拍住老闆王維基舞獅威曬,奠定港視一哥地位。但一年後雙方關係暗裡決裂。

你唔撐我?(設計對白)

做人現實啲好!(設計對白)

探熱針

無牌冇情講 黃日華棄港視做逃兵

去年帶埋愛女芷晴父女檔跳去港視的黃日華,孭住港視一哥寶號硬撐王維基,豈料發生失牌事件,結果義氣變成兒戲。有指黃日華忽然閃走,是要為女兒鋪定後路簽無綫,並聽從波友曾志偉勸告,盡快甩身向無綫「贖罪」。

為個女,黃日華𤓓住做逃兵!

全面收聲

王維基前年啟動挖角行動後,黃日華帶頭倒戈,狂噴舊主刻薄,並以港視一哥身份鋪鋪撐到盡,無論在將軍澳廠房的動土儀式、造勢會、節目巡禮及去年聖誕派對,必到的黃日華總會拍住揸 fit人王維基,走在最前。

其時,敢做敢講的黃日華更頻寸無綫:「香港電視一矢中的,一鳴驚人!政府再唔做嘢,我就去做嘢,去政總示威,革命係要犧牲,少我一個烈士,仲有千千萬萬個頂住。」去年中,又穿針引線女兒黃芷晴加盟港視,父女檔拍住上。

今年十一月,港視不獲發牌成為定局,原本滿腔熱血的黃日華,即改變態度。台前幕後到政總示威首日,黃日華以工作為由不見影;即使幾日後兩父女同到政總補飛,為連日留守作戰的同事打氣,但表現相當低調,甚至以剝完牙為藉口,拒絕接受傳媒訪問及上台發言,連愛在微博發洩的習慣都無,全面收聲!當王維基宣布先轉做流動電視,港視絕處逢生,但黃日華依然無動於衷。

港視搞聖誕聯歡當晚,唔蒲頭的黃日華父女(箭嘴者)偕男助手及男友,一行四人於晚上九時到浸會醫院探病個多小時。

離開醫院時,黃芷晴有男友攬住呵護。

志偉食住上

上週一(十二月二十三日),翻生港視搞聖誕聯歡,黃日華繼續無影,黃芷晴亦以病為由缺席。

刻意與港視劃清界線的黃日華,當晚七時由外返回大埔寓所,兩個小時後再偕助手、黃芷晴及其男友,一行四人到浸會醫院探病個多小時,之後便折返大埔。

有指港視失牌後,黃日華為女兒的星途著想搵曾志偉幫拖,希望鋪番條路讓黃芷晴安插入無綫。

「港視攞唔到牌,志偉同三哥(苗僑偉)即刻食住上,勸黃日華要為個女著想,唔好再下下同無綫對著幹,方便日後幫芷晴入無綫。黃日華好緊張個女,佢以為港視翻唔到身,咪第一時間幫個女跳船。好似早排阿叻護主發表『跪回家』言論,佢都冇再寸無綫,反而出聲幫阿叻。

「點知俾王維基搵到條出路,黃日華都知𤓓咗,港視個聖誕 party佢本來話去,到嗰日先臨時通知話有嘢做去唔到,個女就話病,兩父女都唔蒲頭,其實都係怕無綫唔鍾意啫!王維基對黃日華都好失望,亦預咗黃芷晴一四年尾約滿就走。」知情者爆。

有指曾志偉幫黃日華愛女搭路過無綫,故為女兒著想,他不再高調撐港視。

褪軚後,上週一( 23/12)港視的聖誕派對,身為一哥的黃日華同女兒芷晴雙雙缺席。

撐•唔撐

自從香港電視不獲政府發牌後,黃日華對港視的一腔熱誠隨即付之流水,由 12年加盟港視做一哥,事事撐行王維基,到現在連聖誕聯歡都唔出席就知幾大分別。

去年 12月聖誕大不同

今非昔比,去年聖誕聯歡,黃日華以一哥身份蒲頭玩到唔願走,今年聖誕聯歡就唔願去,謝曬。

去年 11月曬冷會

港視向廣告商騷節目曬冷,一哥黃日華成套老西,同班高層走在最前,笑住撐。

去年 10月賀 CTI興致勃勃

CTI二十周年晚宴,黃日華父女著曬大大個 logo T恤齊齊出席,撐曬。店開記招舉行簽約儀式,愛女情切的他,笑曬。

早排港視為失牌到政總抗議,避風頭的黃日華首日缺席,行頭示威的就落在張可頤、林文龍及蒙嘉慧身上。翌日他雖補飛現身,但忽變低調,拒絕上台及訪問。



鍾意就快D Share啦!