網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月2日 星期四

[壹週刊 1243] 好事近 平安夜驚喜 吳國敬當眾求婚 吳國敬,M1,




探熱針

好事近 平安夜驚喜 吳國敬當眾求婚

娛樂圈年尾喜事重重,繼許志安向 Sammi求婚成功後,與他同是新秀出身、曾與 Big 4四人經歷風雨的吳國敬,也要向老友睇齊做老襯!

寫過唔少動人情歌的吳國敬,平安夜包場搞了個驚喜 mini concert,踏正淩晨 12點那一刻,已有醉意的他,突然向拍拖七年女友 Elaine求婚:嫁俾我啦!

醉住唱情歌

男友突如其來當眾求婚,當晚一直忙於招呼前來撐場朋友、飲到差不多的 Elaine只懂傻笑,見女友不知所措,阿敬於是走到台下,從後攬著 Elaine不停說:「你好靚呀!」

突然成為焦點, Elaine表現尷尬:「唔好再飲咁多,你醉咗,仲要唱歌㗎!」但一班老友卻咬住唔放,不停向吳國敬舉杯祝賀,他亦來者不拒。

「佢(指吳國敬)思想好單純,諗嘢好簡單,好似而家佢覺得開心就飲,唔開心又會發洩出嚟,佢好有才華,完全冇機心,我哋好夾,如果我飲多咗,佢會自動飲少啲,好似今晚佢咁 high,我就會適可而止,留個清醒照顧另一個。」吳國敬女友說。

阿敬唱唱嚇歌走落台從後擁著 Elaine,更在她耳邊不停說:「你好靚呀!」冧爆女友。

踏正十二點,已有醉意的阿敬突然指著女友 Elaine坐的方向說:「嫁俾我。」令滿場朋友 high爆。

阿敬平安夜在中環 Central Club包場開 Mini騷,與大班朋友歡度聖誕。

與阿敬攜手走了七個年頭的 Elaine,即使男友在一一年惹官非時仍不離不棄,陪他度過人生低潮。

決定和女友展開另一階段,一班好友送上祝福外,亦不忘向準新郎提出警告:「如果你結婚個新娘唔係 Elaine,我唔嚟飲㗎」、「我都唔會出現」!已經飲到滿面通紅的吳國敬則笑著說:「拍咗咁耐拖, Elaine好了解我,都係時候囉!」

平安夜當晚不少好友撐阿敬開騷,範振鋒與阿敬識於微時,自然與老婆李思欣齊齊捧場。



阿範娶思欣時,吳國敬做兄弟送祝福,相信阿敬做老襯時,阿範一樣為老友出盡力贈興。

開騷搵老婆本

之後,吳國敬上台醉唱一輪快歌,包括《愛情陷阱》、《夏日寒風》及 rock版《其實我深深愛著你》,雖然不時甩 beat,甚至唱到走曬音,但台下朋友仍然 high爆和唱。

「我知自己飲多咗,唱到亂咁嚟,但我好享受而家呢個好 high嘅 moment,雖然你哋可能聽唔到我唱乜,哈哈哈……」

拍拖七年,吳國敬與女友吵鬧新聞時有所聞,但二人均是性情中人,有事不會收埋,反而令二人的感情更鞏固。

據知,為了儲足彈藥娶老婆,吳國敬已入紙紅館,申請明年開作品騷,過去他曾為 Sammi、許志安、蘇永康、梁漢文、古巨基、張栢芝、郭富城、陳奕迅等寫過不少 hit歌,當中已有不少好友認頭會度期參與其作品騷,甚至話明當做人情!

據知阿敬早有與女友結婚的打算,更積極工作儲彈藥,今年四月已與 Joey開了兩場《 Man's Icon Concert》,明年阿敬將進軍紅館。

張衞健、梁漢文早有家室,連安仔近日都求婚成功,阿敬自然要快馬加鞭脫離寡佬行列。



鍾意就快D Share啦!