掃呢頁CODE去手機

2014年1月9日 星期四

[壹週刊 1244] 郭羨妮 湊女影證件相 郭羨妮,M1,




Kylie愈大愈精靈,識得同媽咪動作一致,兩母女咁啱都合埋雙唇。

同你吟一吟

郭羨妮 湊女影證件相

許志安終於氹掂天後女友鄭秀文下嫁,佢仲四圍同人講,將來唔會使老婆一毫子。個個男人都想有骨氣,可惜郭羨妮老公朱少傑就冇咁好彩,原本有得做武術總監,點知俾人炒魷,郭羨妮唯有親自出馬,接拍大陸劇《金玉瑤》,仲指明劇組要搵朱少傑做導演佢先肯拍,保障老公有工開。

套劇啱啱先拍完,郭羨妮接住又開工,返無綫同黎耀祥合作新劇《無雙譜》。要搵奶粉錢,一秒都唔停得。嚟緊有排忙,郭羨妮上個禮拜四(一月二日)趁得閒,湊住囡囡 Kylie同埋阿媽去將軍澳一個屋邨商場影證件相。

已經歲半大嘅 Kylie好乖,企定定由得媽咪幫佢梳靚個頭,影完一次郭羨妮覺得唔滿意,要求影多次。影完相,三代同堂走去隔籬商場食燒味醫肚再行陣街,雖然四圍做緊大減價,但郭羨妮都好忍手。又係嘅,真係辛苦錢嚟㗎!

每次撞到郭羨妮湊女,身邊永遠唔係佢老公朱少傑,而係郭母。

因為唔滿意效果,郭羨妮要 encore影多次。

萌爆小 Kylie

埋位影相前,郭羨妮幫囡囡梳靚個頭再整好件衫領, Kylie全程冇扭計,好乖。

拍完大陸劇,又要返無綫同黎耀祥拍《無雙譜》,主力養家,即使四圍大減價,郭羨妮都冇出手。



鍾意就快D Share啦!