掃呢頁CODE去手機

2014年1月9日 星期四

[壹週刊 1244] 同胞逼住四太冇癮 M1,




店員攞咗幾款錶俾四太過目,助手影低相之後,拉隊走人。

同你吟一吟

同胞逼住四太冇癮

上星期五(三日)近放工時間,《壹》仔行經銅鑼灣波斯富街,見到平時中環出沒多嘅何鴻燊四太梁安琪,坐低喺間專賣貴錶嘅鐘錶店試錶。

VVVIP嚟幫襯,店員照例茶嚟水到,但可能地方所限,店內似乎不設貴賓房,就算好似四太呢類客,都要同其他客人(當然係祖國同胞)逼埋一齊,坐喺櫃枱前。

要同人逼埋手肘撞手肘,都幾冇癮㗎!不過八珍唔肯定四太究竟有冇落疊幫襯,只係見佢揭住本 Patek Philippe嘅 catalogue,又不時同身邊女助手交換意見,仲叫對方用電話將店員攞出嚟嘅貴錶影低相。

有幫襯冇幫襯都好,最緊要係四太肯移玉步,咁就有希望!今日唔買,下次囉!

雖然有茶水招呼,但旁邊有其他客迫住曬,揸住本 catalogue係咁揭嘅四太,要坐到側曬!



鍾意就快D Share啦!