掃呢頁CODE去手機

2014年1月9日 星期四

[壹週刊 1244] 《葉問》唔掂 剎停鄭嘉穎 鄭嘉穎,M1,




鄭嘉穎睇的羅英祥跌打醫館,巨星周潤發、王菲都有幫襯。

探熱針

《葉問》唔掂 剎停鄭嘉穎

一一年憑《步步驚心》在內地爆紅後,鄭嘉穎年拍四個劇賺半億,但之後收五十萬人仔一集的《葉問》,卻被指唔打得,演技唔掂,劇集於山東齊魯頻道首播以來,至今只能在屬三線的河南、四川、貴州、新疆衞視播出,加上反應麻麻,影響鄭嘉穎去年六月拍罷的《華胥引之絕愛之城》乏人問津,在內地開始人氣下滑,同時間被無綫高層鐵腕徵召歸隊,令一度計劃開製作公司,諗住帶挈馬國明拍住搵食的他要急停!

辛苦錢

完全唔識功夫的鄭嘉穎,一二年接拍內地電視劇《葉問》,打到五勞七傷,甚至傷及右腳舊患搞到韌帶撕裂,至今仍要接受治療。人仔賺得多,傷患手尾長。

「《葉問》有好多動作,最初嘉穎都有考慮究竟自己做唔做得嚟?但製作公司出到五十萬一集搵佢,酬勞太吸引,佢決定頂硬上。之後搞到打爆右眼要縫十針,又整到右腳舊患,傷上加傷!賺嘅係辛苦錢。」身邊人說。

《葉問》電影版票房報捷,但鄭嘉穎孭飛的電視版《葉問》,反應卻相反。據了解,經過兩輪在影視電影節片花推廣,《葉問》始終無法吸引內地一線電視台,由山東齊魯頻道首播後,跟住播的河南、四川、貴州、新疆衞視,均是三線頻道播;加上鄭嘉穎被評演技唔掂、動作又無睇頭,劇集口碑十分

麻麻。



醫師先為嘉穎進行電療,一邊玩 iPad的他一度痛到皺曬眉。

做完治療,嘉穎上車時仍要就住就住。

無功夫底,嘉穎打得相當吃力。

《葉問》不乏打鬥場面,打到周身傷的嘉穎,不時要用替身上場。

捧馬明

鄭嘉穎與馬國明早前一同到廣州出席活動賺錢。

「嘉穎都係去到橫店先跟武指惡補動作,好多危險鏡頭都係用替身,顧得打又唔顧得演技,喺內地俾觀眾噓爆!」

無論如何,年賺半億,鄭嘉穎快錢到手!雄心萬丈的他一度計劃投資製作公司,還要捧馬國明做主角。

「馬明同嘉穎拍《鐵馬尋橋》 friend咗,同劇中幾兄弟妹經常約出嚟食飯。嗰時(一二年)嘉穎咁好景,開到五十五萬人仔一套都有人俾,好多內地一線電視人都係自己搞製作公司,嘉穎如果可以紅落去,條路係應該咁行。當時佢開曬口話要簽馬明,但依家佢自己都唔掂,梗係 hold住先!」知情者說。

無人吼

《步步驚心》 11年在湖南衞視首播後,連做配角的鄭嘉穎亦紅爆。

開公司大計泡湯,身價同劇集反應又不成正比,令內地製作單位對鄭嘉穎的興趣大大減低。去年六月拍完新劇《華胥引之絕愛之城》後,劇集出了兩輪片花,仍未有電視台願俾錢買,男主角亦半年未接到新劇。

冇劇開,加上右腳韌帶撕裂未癒,鄭嘉穎索性專心養傷。

「右腳舊患經常發作,上落樓梯痛得更緊要,佢去睇跌打先知十字韌帶裂咗,師傅都話要睇一段時間先會好!」鄭嘉穎身邊人說。腳傷加上高層李寶安強權召歸隊無綫拍劇,鄭嘉穎大條道理,回流香港。

北上吸金

李彩樺

由 model到入行做歌手再拍埋戲,李彩樺事業一直未有突破;直至 11年主演內地劇《回家的誘惑》,打破湖南衞視收視紀錄在國內爆紅,兩年間可以豪買三物業,主攻內地市場的她,近年以祖國為家。

陳鍵鋒

11年離開無綫後北上發展,套套擔正男主角之餘,人工相比在 TVB時高出十倍,難怪陳鍵鋒不時高唱內地拍劇人工高福利好。

劉愷威

07年轉戰內地市場,憑民初劇《鳳穿牡丹》一炮而紅,七年內拍超過 28部電視劇,同一綫楊冪拍拖後,連帶人氣增身價升,早賺人仔早著數的他,豪宅揸手,仲就快做老豆。



鍾意就快D Share啦!