2014年1月9日 星期四

[壹週刊 1244] 超鳳大女 何家淑女 Party Queen M1,




夜場嘴嘟嘟吹喇叭,阿媽超鳳會唔會睇完相先驚覺個女咁吹得?

名人私生活

超鳳大女 何家淑女 Party Queen

何鴻燊有十七個仔女,家族繁衍,何家淑女又豈止得三房的何超雲、超蓮、四房超盈或超欣?仲有啱啱十八歲、現正在外國唸大學的滄海遺珠,二房超鳳和何志堅的大女何鍶珩。呢位何小姐皮膚白滑,喜歡濃妝艷抹著貼身短裙夜蒲,名副其實是 party queen,跟清純的超蓮一個狂野、一個含苞,各有千秋。

爛蒲舉中指

這位第三代何家淑女自小讀女拔萃,中學時被安排到英國 Wycombe Abbey,正所謂山高皇帝遠,無人管自然容易變 wet妹。愛影相嘅佢張張相唔係蒲吧去 P,就係曬身材,玩得興起,大家族的淑女規矩早就拋諸腦後,擔煙隊酒、高舉中指,要幾風騷有幾風騷。朋友見佢咁爛蒲,都忍唔住問佢除咗去 party,仲識乜嘢?何小姐即刻回應一句話:「 I am a good girl, sit at home and write essay.(我是好女孩,會留在家做功課。)」

阿爺何壽康是大馬主,元旦日何鍶珩陪阿爸入沙田馬場,到沙圈睇馬時,阿爸即場教路,但睇咗一陣,何鍶珩就走去同吳婉芳兒子(下圖長髮男)吹水。

玩不文

飲到 high high哋,見到籮柚 poster就俯身錫人後欄,果然玩得夠癲。



喪舉中指,又一次拆去何家淑女的招牌。

Alexandra十八歲生日那年,壽星女阿媽利蘊珍(金衣者)請來脫衣男助興,何思珩亦有出席齊齊玩到癲。

又煙又酒

去年七月放暑假回港,她跟九巴後人雷禮權個女 Alexandra在 ifc四樓煲煙。

何超鳳的兩個女打扮截然不同,家姐艷麗成熟,而小兩歲的細妹何倩珩就清純得多。

去年暑假跟友人去了西班牙的 Ibiza島旅行,個個戰鬥格上陣,連大姨媽 Pansy都加入戰團。

怕女曝光

跟她同在英國讀書的九巴後人雷禮權女兒 Alexandra,就同佢玩得好埋,互相叫家姐、阿妹,在英國結伴 shopping,回港又會相約見面,但何鍶珩現已到美國普林斯敦大學讀書,而雷禮權女兒就留在倫敦的 Trinity College Of Music讀音樂。

最近何鍶珩放假返咗香港,上個禮拜三仲打扮到鬼咁成熟陪阿爸何志堅入馬場,記者讚何鍶珩靚女,佢支吾以對,再問何小姐讀緊邊科?何志堅就敷衍話:「仲揀緊。」擺明唔想個女曝光。

三點豪放

有錢人經常坐遊艇出海,著比堅尼曬好身材是指定動作,何鍶珩低抄角度配合興奮表情,令人無限聯想。



鍾意就快D Share啦!
Related Posts Plugin for WordPress, Blogger...