[壹週刊 1245] 廖碧兒低胸標尾會 廖碧兒,BKD_S,M1,

同你吟一吟

廖碧兒低胸標尾會

前前度陳豪同前前前度劉愷威先後成家立室有埋 B，連前度林忠豪亦有傳同女友 Susanna Yiu好事近。

個個舊愛都搵到幸福，廖碧兒自己知自己事。上個禮拜四（一月九日），廖碧兒同都係「人夫」嘅許志安出席電視遊戲活動，刻意重新開放事業線，加埋迷你裙曬腿，一副求愛戰鬥格；之後同安仔一齊寫揮春，廖碧兒直頭寫住「桃花旺盛」，渴仔渴到出埋手。

至於成功抱得平胸天後歸，眼中只有鄭秀文嘅安仔，對於廖碧兒咁有分量嘅身材，眼尾都冇望多眼，全程同現場位小妹妹又拖手又錫面珠，預演將來湊女冧樣。 Sammi肯唔肯生八珍唔敢講，但肯定是夜返歸唔會俾人扭耳仔。目不斜視，乖！

低胸、𠌥前寫揮春，呢類戰鬥格動作，已經好耐冇響廖碧兒身上出現，佢仲要寫埋「桃花旺盛」，睇得出真係好急。

小妹妹做出連串古靈精怪動作後再連送四個香吻俾安仔，氹到 uncle Andy不知幾冧，廖碧兒呢？得一個吻囉！

鍾意就快D Share啦！

下一篇 》