[壹週刊 1245] 吳君如數口精 君如,吳君如,M1,

同你吟一吟

吳君如數口精

重推《金雞》賀歲，硬砌宇宙孫悟空甄子丹同賭神周潤發，擺明偷雞嘅吳君如四兩撥千斤，揼曬老友心口埋位，連俘虜萬千港人心嘅「膠鴨」，都俾佢老笠埋照抄。

上星期四（九日），女主角金雞吳君如同埋一班小雞包括王菀之、衞詩雅拉隊去到大角咀碼頭做宣傳，當日主角其實係隻有十八米高嘅 Rubber雞，據身兼監製嘅吳君如報稱，為咗隻膠雞，使咗五十萬。

嗱，幾多十萬都好啦，反正你有影壇阿哥做義工慳唔少，大把彈藥，使少少泵脹隻膠雞，取一雞獨大圓賀歲票房第一野心，一切計算在內。

有老公陳可辛背後㩒住計數機，吳君如開戲，慳得嘅慳，應使則使。

將膠鴨改頭換面變膠雞做宣傳的確有諗頭，可惜海事署有意見，吳君如被迫提早摺埋隻膠雞。

既然吳君如可以做雞，王菀之自然係上上之選，衞詩雅企埋喺佢兩個身邊，反而普通咗。

鍾意就快D Share啦！

下一篇 》