網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月23日 星期四

[壹週刊 1246] 防法拉阿 Kay 袁詠儀突擊張智霖




探熱針

防法拉阿 Kay 袁詠儀突擊張智霖

歌同戲橋一樣唔怕舊,最緊要受!張智霖( Chilam)將推出的新唱片,炒冷飯翻唱十位男歌手的經典歌,又精挑五位高登女神包括陳法拉、謝安琪、黃美棋、杜小喬及董嘉儀客串拍《你是如此難以忘記》 MV。

拍攝當日,張太袁詠儀揀正陳法拉及謝安琪埋位時段,帶埋囝囝魔童踩場,𥄫實老公。

魔童跌親

上星期六(一月十八日),張智霖在清水灣製片廠和五個高登女神拍 MV,未有陪老公到場的袁詠儀,在臨近謝安琪與陳法拉埋位,忽然帶埋囝囝魔童踩場。

「之前都冇聽過靚靚會嚟,拍咗大半日到下晝三點幾,先話佢自己揸車嚟探班。謝安琪同法拉 call time係三點半到四點,靚靚將啲時間校到啱啱好!雖然阿 Kay結咗婚,法拉又話變單身,但兩個都係男人會嗒糖嗰隻,靚靚梗係要坐喺度睇住。」現場工作人員說。

據在場人士說,法拉埋位時,靚靚金睛火眼望到實,但做過人妻的法拉始終是個醒目女,一拍完即刻彈開,走埋一邊與助手化妝吹水,同 Chilam保持距離。

「法拉冇乜埋去靚靚嗰邊, Chilam唔使埋位都企喺老婆身邊,陪嚇個仔玩;魔童因為周圍走來走去,俾現場啲電線 kick低,嚇到 Chilam O曬嘴。」

不用埋位的時候, Chilam沒有與法拉或 Kay交流,一時撩囝囝魔童玩,一時陪老婆談天說笑,相當識趣。

法拉到場先拍攝單人鏡頭, Chilam全程企喺老婆袁靚靚隔籬,頭也不望法拉,氹得老婆笑逐顏開。

魯芬做笑彈

Chilam在《你是如此難以忘記》 MV中扮宅男,做女神的除了陳法拉、謝安琪,還有黃美棋、杜小喬及董嘉儀及負責搞笑位的魯芬。

「法拉同 Kay嘅時間比較難就,開工頭幾個鐘係先拍黃美棋、杜小喬、董嘉儀、魯芬同 Chilam,魯芬嗰 part最好笑,拍完佢又要錫 Chilam,笑到大家彎曬腰!隻唱片今個星期五出, MV就下星期二(二十八日)首播。」一名工作人員說。

為了配合宅男角色, Chilam找來高登女神(左起)杜小喬、黃美棋及董嘉儀助陣,艷福無邊。

魯芬是 MV中搞笑的一部分,她穿上華麗晚裝與 Chilam共舞,最後更向男神索吻,令到全場人士捧腹大笑。

安琪 BB與 Chilam狀甚親熱,幸好 Kay已婚,靚靚才不介意。

三月返大陸

雖然《衝上雲霄 II》已播完一段長時間,但「 Cool魔」熱潮仍然未減, Chilam食住條水,盆滿鉢滿。去年九月轉會蕭定一旗下的他,三月便要留守內地拍劇,故必須在此前錄好新唱片。

「其實 Chilam今次隻碟都係唱人哋嘅歌,佢揀咗啲佢好鍾意嘅男歌手好似草蜢、郭富城、梁朝偉嘅歌翻唱,做埋新碟宣傳後,佢就要返大陸拍劇。希望今年底可以開到演唱會,而家睇緊啲期。」知情者說。

靚靚除了監場外,還會俾意見 Chilam,兩公婆恩愛非常,羨煞旁人。

老闆蕭定一帶埋老婆及囡囡到場探班,一向恨生女的靚靚不時撩佢玩,母愛氾濫。



鍾意就快D Share啦!