網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月23日 星期四

[壹週刊 1246] 等滿約 王維基落釘黃宗澤 王維基,黃宗澤,M1,




探熱針

等滿約 王維基落釘黃宗澤

香港電視落實以流動電視形式 7.1開台後,主席王維基繼續向外招兵買馬,鎖定搵吳鎮宇拍鄧萃雯開寫實劇外,再進一步向無綫小生花旦埋手。去年一直採取拖字訣,唔肯再加簽長約的黃宗澤成為頭號挖角目標,據了解王維基開出無綫八倍酬勞等黃宗澤離巢。

鬥命長

7.1開台以流動電視對打無綫,王維基躊躇滿志,之前停工的劇集,亦陸續復拍。

香港電視不獲發免費牌照,無綫以為坐定粒六,豈料王維基死唔去,宣布成功收購中移動旗下的流動電視牌照,以大氣電波及網絡雙線廣播先行開台,吊住命等一五年免費電視牌照再洗牌。

有了生存空間,王維基再次啟動挖角潮。如意算盤是搶走將約滿的陳豪,但有指經理人陳嘉莉決定留低無綫,陳豪、楊怡離巢自組公司計劃出現變數,王維基於是再出招,為搶人成功,即使目標小生花旦仍有合約在身,一樣有得傾,當中包括和無綫仍有兩年約的黃宗澤。

「唔理同無綫仲有幾長約,王維基都好落力去傾,仲講明港視可以等,反正呢場係持久戰,有排打!」知情者說。

八倍價錢

眼見同期出道的陳鍵鋒在內地狂賺人仔,黃宗澤對無綫根本再無留戀,只等約滿走人,即使去年公司一直想他再加簽年期,黃宗澤亦想盡方法,避開樂易玲。

「無綫知同 Bosco嘅合約年期唔長,一年前已不停叫佢加簽多五年,搞到佢唔敢聽樂小姐電話,有時仲驚唔小心撞到,專登兜路行。港視嗰邊好積極,就算目標未約滿,同樣有得傾。王維基知 Bosco剩番兩年約,所以講明可以等,仲開到好高價錢,一集嘅錢係而家無綫八倍,工作時間每日亦唔會多過八個鐘。」黃宗澤身邊人說。

連日來,黃宗澤與鄧麗欣為新戲《男人唔可以窮》趕工,外景場口不乏二人鬧交場面。

避開前度

黃宗澤唔想留低,另一原因是與前度胡杏兒有關。

「 Bosco同杏兒分手已經做唔番朋友,之前台慶節目巡禮佢哋喺化妝間各據一方, Bosco黐實 Niki(周麗淇)玩手機,氣氛好尷尬;杏兒亦講到明唔想同前度再合作, Bosco咪一樣!」知情者說。

分手前, Bosco杏兒仍恩愛出席活動,將已情變一事冚密。

今年無綫台慶節目巡禮,繑香香出場的黃宗澤,在化妝間與前度零交流,場面尷尬。

有指樂易玲留唔到人,將被架空調往內地 TVBC工作。

有指陳豪續約無綫,繼續拍住老婆吸金,但王維基仍未完全放棄。

招兵買馬

香港電視落實七月一日正式開台後,重整旗鼓繼續招兵買馬,王維基重生令不少對無綫心淡的藝員重新燃起希望,密斟過檔。

鄧萃雯

與無綫關係鬧僵的鄧萃雯是港視目標之一,有指雯女要求不拍古裝劇;為表誠意,港視搵專人為她度身寫劇本,開寫實劇。

吳鎮宇

去年吳鎮宇俾面出席《萬千星輝頒獎禮》,偏偏連豬肉獎都無,被無綫玩爆的他直認有興趣喺其他平台包括港視同觀眾見面。

陳慧珊

王維基落實開拍類似《陀槍師姐》題材的新劇,目標人選是離開無綫的花旦;包括早前已經和港視傾約的陳慧珊,條件是四萬蚊一集,還要跟學校假期方便湊女。



鍾意就快D Share啦!