網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月28日 星期二

[壹週刊 1247] 百萬包團飛英 陳奕迅倒貼做博士 陳奕迅,M1,




探熱針

百萬包團飛英 陳奕迅倒貼做博士

自封為「巡迴歌手」的 Eason陳奕迅,唱到有本事買起 2.31億壽臣山大屋,搵得到,捨得使!上週三(一月二十二日), Eason繼續做闊佬,使過百萬包機票酒店,邀請一班圈中好友包括梁漢文、何超儀、 Eric Kwok等個個攜眷,組團飛英國,見證他回母校金斯頓大學( Kingston University)出席榮譽博士畢業禮,齊齊開心。

其他影片
大學未畢業

現年三十九的陳奕迅,十二歲到英國讀書,九三年考入金斯頓大學修讀建築及音樂課程,其間更考獲英國皇家音樂學院八級聲樂證書。大學二年級暑假, Eason回港參加新秀歌唱比賽奪得冠軍後,便放棄學業做全職歌手。

「當日 Eason一意孤行決定唱歌,佢爹哋(陳裘大)好唔開心,仲反對佢入行,所以今次母校頒博士學位俾佢, Eason第一時間通知爹哋,等佢老人家開心吓。」知情者說。

在樂壇獲獎無數,但一直未攞到真正大學畢業證書的 Eason,決定貼錢包機票酒店,邀請身邊好友同飛英國,見證人生大事。

嘉賓大合照

老公得獎,徐濠縈被指黑面,其實她不知幾興奮,全程手指指。

頒授證書後, Eason跟校長一齊開記者會,他更即場清唱《天下無雙》。

霆鋒甩底

「 Eason對朋友好好,佢哋一家三口坐頭等,朋友就坐商務,十幾人由香港出發,除咗有 Edmond、超儀、 Eric Kwok佢哋,仲有幾個係同 Eason合作咗好耐嘅音樂人,一班人住曬喺倫敦 Soho酒店,每間房過千歐羅一晚,成個 trip足足使咗過百萬。原本霆鋒都話去,但因為撞正賀歲片首映甩底,房祖名因為喺其他地方做嘢,之後自己飛去英國 join番大隊。」

上週三(二十二日)晚十點半,出發飛英撐 Eason的圈中人陸續抵達機場, Eason一家三口則於十一點半才現身。

Eason的 fans一早收到風偶像升呢做博士,專程漏夜送行,心情大好的陳博士,笑曬打招呼影合照,老婆徐濠縈負責到櫃位辦理登機手續,接近淩晨,拉大隊入閘。

拉大隊出發

梁漢文同老婆孖住蘇永康到機場。

Eric Kwok跟陳子聰約埋到機場。

杜如風十點半到機場,第一個到商務客位櫃枱搞登機手續。

葉佩雯跟何超儀同 Eason兩公婆相識超過十年,當然被邀請。

Eason一家接近十一點半先到機場,徐濠縈負責照顧康堤, Eason就同粉絲吹水影相。



有份到賀的蘇永康,也有份被粉絲集郵。

開 P慶祝

香港時間廿四日淩晨, Eason榮升「 Dr. Chan」的大日子終於來臨,爹哋陳裘大、房祖名、趙學而夫婦、唱片公司揸弗人 Duncan夫婦以及經理人陳家瑛等亦飛到英國,在親朋好友見證下, Eason從校長手中取得證書,成為 Honorary Doctor of Arts榮譽博士,表揚他在音樂上的貢獻和推動廣東歌。

「 Eason喺畢業禮不斷多謝屋企人,又唱咗兩次《天下無雙》,之後成班朋友幫佢搞咗個 party慶祝, Grace同 Eric兩個都好 high,事關佢哋同 Eason、阿徐識於微時,有共同經歷,特別戥 Eason開心。」知情者說。

做完博士, Eason歸位做「巡迴歌手」前,一家三口留在英國玩到年三十晚才返港。

近兩年唱唔停,自爆患有躁狂症的 Eason在叱咤頒獎禮當晚更發台瘟,不過事後他公開道歉,搵嘅真係辛苦錢。

入行無耐,薯仔 look的 Eason,已經開始攞獎,不過攞得好開心。

Eason對老婆對朋友都捨得, 12年徐濠榮生日,他送了一條過百萬的 Chanel鑽石鏈給對方。

葉佩雯跟老公 Eric Kwok都有飛英國賀 Eason榮升博士,二人更在 party扮鬼扮馬影相留念。

Eason請朋友入住的 Soho酒店,位於倫敦市中心附近,屬精品酒店,每日約一千歐羅。



鍾意就快D Share啦!