[FACE 345] 冇情講 姊妹爬頭搶 Job 苟芸慧岑麗香絕交 苟芸慧,岑麗香,MF,

粗髀肥臂

上週五（ 27日），苟芸慧單拖戴住口罩落樓下匯豐，在銀行坐足半粒鐘，全程冇人認得佢。雖然苟芸慧有信心復出，但上週五仍見著住黑衫黑褲的肥苟大髀及手臂明顯減得未理想。

真面目

冇情講　姊妹爬頭搶 Job　苟芸慧岑麗香絕交

苟芸慧未暴肥前，曾經係無綫力捧姐仔兼高登女神，可惜肥苟體重失控，最高達 180磅，最終被無綫勒令放假減肥。

女神有空缺，曾一度跟苟芸慧以好姊妹相稱的岑麗香，則趁你肥攞你命，搶食肥苟工作之餘，仲同身邊人講風涼話：「我太忙，好耐冇見佢啦！」日久見人心呀，肥苟！

未正式復出，在聖誕節先出席伍詠薇（右二）安排的飯局，苟姑娘表示同伍姑娘好老友，一向有保持聯絡。網上圖片

經過 3個月閉關減肥，年屆 30的苟芸慧開始踏出復出之路，先在微博放近照，再大方接受雜誌訪問講減肥實況，至週二（ 12月 31日）正式出商場倒數騷復出。

香香：唔知點幫佢減肥！

上週五（ 27日），苟芸慧從將軍澳寓所步行到樓下銀行搞手續，身穿黑衫黑褲戴口罩的肥苟，身形雖然清減但明顯未達標。心急復出，只因好姊妹岑麗香乘虛而入不斷搶食。現得 TVB力捧的岑麗香，除了曾公開風騷說：「唔知點幫佢減肥！」外，又曾對身邊好友稱：「我太忙啦，好耐冇見佢，唔知佢減到點喎！」

香香態度冷淡，據知二人確已姊妹情不再，知情人士說：「苟姑娘放咁耐假，香香一次都冇打過畀佢，家陣 TVB力捧佢，好多本來搵苟姑娘嘅 job都俾佢食咗，當初嗰班鬼妹仔處女黨之中又以佢發展最好，苟姑娘點都有啲眼紅嘅！」好姊妹？講笑咩！

'12相擁

去年肥苟仲未失勢前，同未正式上位嘅岑麗香一齊為節目《萬千升呢福祿壽》講起緋聞是非，忍不住當眾相擁而哭，當時仲係互相扶持好姊妹。

'13爭食

到肥苟一退下，岑麗香就率先踢走苟芸慧，成功孖住古天樂一齊出深圳行騷，當時岑麗香風騷說：「唔知點幫佢減肥！」《蘋果日報》圖片

12月最後通牒

肥苟有份出席的倒數活動，本來是由她和草蜢掛頭牌，但如今肥苟（箭嘴）叫座力減弱，海報亦已換成胡定欣（紅圈）放前排。

苟芸慧暴脹身形嚇怕客戶，知情人士說：「 TVB講明如佢 12月都未復出到，就唔會再主動幫佢接其他 job，所以佢個倒數活動真係最後死線嚟，佢下年啲工作都要等班高層放完大假返嚟先再諗。」

鍾意就快D Share啦！

下一篇 》