掃呢頁CODE去手機

2014年1月1日 星期三

[FACE 345] 努力造人 肌浴告別 吳彥祖停工半年美國追仔 MF,




Daniel片中有不少打鬥、追逐場面,更有一幕裸上身沖涼,大騷肌肉,粉絲大飽眼福。

真面目

努力造人 肌浴告別 吳彥祖停工半年美國追仔

型男變型佬嘅吳彥祖, 3年前同拍拖 8年嘅女友 Lisa S.結婚,今年 5月,寶貝囡吳斐然 Raven出世,榮升老豆嘅 Daniel,原來一早計劃停工半年,全職湊囡兼乘機造人追番個仔。

Daniel新片《控制》身兼監製兼男主角,拍攝期間,已講明缺席之後嘅宣傳活動,所以臨飛之前, 12月中搞咗個名人優先場代替首映,之後 Daniel一家三口便舉家返美國,希望 6月返嚟有好消息啦!

39歲吳彥祖和 38歲 Lisa S. 10年在南非拉埋天窗,今年榮升老豆的 Daniel,希望陪伴女兒成長兼追多個仔,開始減少工作量,最近仲決定停工半年。

自 5月囡囡 Raven出世以來, Daniel去到邊都三人行,月初 Daniel更抱住萌爆的囡囡出席西九舉行的音樂會,有女萬事足的 Daniel全程四萬咁口。《蘋果日報》圖片

Daniel和 Lisa S.同係美國出世,返老家造人會唔會易啲㗎?《蘋果日報》圖片

沖涼騷肌

停工前的暫別戲《控制》, Daniel首次擔任監製,做埋男主角,拍住好戲之人,好似任達華、惠英紅、姚晨和桂綸鎂男友戴立忍等。《控制》一片大玩特技效果,戲中 Daniel被「神秘人」設局操控,到最後 Daniel成功扭轉局勢,反客為主,設局反操控「神秘人」,十足港版《 The Hunger Games》。

Daniel同任達華、戴立忍有唔少追逐、打鬥場面, 39歲 Daniel仲有一場沖涼戲,大騷肌肉,做咗老豆都唔 hea,睇得出有操肌。原來,導演畢國智當初一心搵 Daniel做男主角,不過 Daniel睇完劇本後就拍板要做埋監製。拍攝期間, Daniel囡囡還未出世,但已知道 BB性別, Daniel日日喺片場已經慈父上身,同工作人員大談湊仔經,仲話想追番個仔湊夠個好字。

《控制》一戲 Daniel首次擔任監製兼男主角,片中鬥智鬥力,但與女主角姚晨甚少激情戲分,唔通已為人父錫身咗?

任達華戲中飾演一名黑社會大佬,和 Daniel有較多對手戲,這場兩人只靠雙眼交戲。

6月回港

Lisa S.懷孕後為嬰兒及孕婦奶粉擔任代言人,明正言順賺奶粉錢。

新片快上映,但 Daniel突然休息半年,電影公司發言人說:「其實《控制》套戲一早已決定唔搞首映,所以 12號( 12月)喺金鐘搞咗場名人優先場宣傳,之後都會有唔同嘅宣傳活動,不過 Daniel就唔會出席。而 Daniel同太太 Lisa S.已經返咗美國放假半年,大約 6月就會返嚟。」 Daniel一家三口已飛回美國紐約度假,希望三個人去、四個人返啦!

孖馮德倫玩 CG

《控制》是一套犯罪懸疑動作片,導演畢國智刻意用唔少特技鏡頭去營造出懸疑感覺,仲邀請荷里活著名視覺特技師 Nickson Fong操刀,他曾參與《 The Scorpion King》、《 Eight Legged Freaks》、《 Shrek》等大片的特技製作。

Daniel和馮德倫去年合作開設「突圍電影製作公司」,齊齊投身電影幕後製作,《控制》是兩人首次聯合監製的電影。

《控制》一片運用大量特技效果,令整片都充滿懸疑、動作及漫畫的感覺,而演員更要在一大片綠色的布景演戲,大大增加難度。

凸住拍 MV

Daniel入行以來都男女通殺,所有「肉」照都經常被 cap圖。好似年初幫側田新歌〈爽〉客串 MV,貼身的芭蕾舞服裝加現代褲,搞到「小 Daniel」無所遁形。嘩,真係好凸出呀!

Daniel本身有鋪裸露癮,早前客串側田〈爽〉的 MV,著住芭蕾舞貼身現代褲,毫無避忌跳舞,結果就見到鳥。

官方 MV都見到激凸效果,但 Daniel似乎唔介意,仲好 enjoy喎!

好朋友側田開聲叫到幫手, Daniel今次都算大犧牲。《蘋果日報》圖片



鍾意就快D Share啦!