網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月8日 星期三

[FACE 346] B計劃 君如指導 鄭中基騎薛凱琪爆房 君如,薛凱琪,鄭中基,吳君如,MF,




鄭中基突然慾火焚身,騎住 Fiona準備行房,吳君如突然出手阻止,仲叫佢哋 hold住姿勢,轉場再戰。

真面目

B計劃 君如指導 鄭中基騎薛凱琪爆房

元旦當日,薛凱琪 Fiona喺叱吒頒獎禮講明今年唱歌、拍戲打孖上,賀歲片又點少得佢。新片《六福喜事》同鄭中基飾演一對鬥氣夫妻,為求一索得子,搵陪月員吳君如做導師。其中一場鄭中基騎住 Fiona準備行房,點知君如指指點點阻住曬,好冇癮啫!

基督徒兼有潔癖嘅 Fiona,第一次去時鐘酒店拍戲就嚇親,要用滴露噴勻全間房同大床。她說:「就算真係情到濃時,我都唔會去,只會講句 I love you!」車,講呢啲!

為求重燃愛火兼造人,鄭中基同 Fiona特登去到九龍塘爆房培養感情,係咪真係 work㗎?

Fiona上年同鄭中基喺《百星酒店》首次合作,今年做埋夫妻,飾演一對富二代夫妻,為保住阿叔黃百鳴面子,搵咗吳君如教導生仔秘笈,惡鬥死對頭曾志偉、林德信和吳千語一家人。

體位導師

戲中 Fiona和鄭中基,為幫阿叔黃百鳴爭番啖氣,惡鬥另一對夫妻林德信和吳千語,最終出埋撒手鐧,要陪月員吳君如出盡奇招教生仔。

Fiona說:「戲裏面因為黃百鳴唔想我哋輸畀死敵志偉,叫咗君如做軍師教生 B嘅秘笈。其中一幕講 Ronald慾火焚身想搞嘢,正當準備行事,偏偏君如就喺呢個時候衝咗入嚟,話我哋揀錯地方、又話我哋擺錯姿勢,仲叫我哋 hold住個 pose,直至轉去廟入面另一張龍床,先准我哋繼續完事。」

吳君如在《六福喜事》飾演陪月員,後來做埋鄭中基和薛凱琪嘅生 B導師,有君如同場,三個對稿笑多過拍。

困喺只得百多呎嘅時鐘酒店房,估唔到兩夫婦真係可以搵番戀愛感覺,仲好纏綿添!

激戰一輪,完事後 Ronald食杯麵補充體力, Fiona就繼續黐到實回味緊喎!

滴露消毒

偷情開房,偏偏撞正酒店職員上前兜售安全套,兩公婆有頭有面都幾尷尬。

拍呢場床上戲, Fiona和鄭中基真係去到九龍塘時鐘酒店。 Fiona說:「自己第一次去嗰啲地方,起初以為嗰度好大,點知得嗰百零呎,仲要幾百蚊就可以過一晚。本身自己有嚴重潔癖,所以一早準備咗一大支滴露,將房嘅所有嘢都噴曬,工作人員仲笑我唔理佢哋感受,因為真係幾大陣味!」

首次「爆房」, Fiona就話怕怕喎,「唔使埋位我就會企喺度唔鬱,完全唔敢掂任何嘢;同埋自己好唔鍾意嗰啲地方,一啲都唔浪漫,只係一個食快餐嘅地方,完事就走。因為自己係基督徒,所以就算情到濃時,最多都係講句 l love you!」講咗當做咗,唔怪得 32歲 Fiona成日話自己 dry啦!

26串星

今年賀歲港產片有大堆頭《六福喜事》、君如《金雞 SSS》和發哥、霆鋒《澳門風雲》;論卡士《六》除主角吳君如、曾志偉、鄭中基和薛凱琪,連客串陣容都十分有睇頭,超過 26位串星出場,據聞古天樂都係自己舉手話客串㗎!

婦科峯

好愛千語 BB嘅林峯,為見多 BB幾面,客串角色,喺戲裏飾演婦產科醫生,為薛凱琪的主診醫生。

熟女千嬅

客串嘅楊千嬅參加《熟女愛作戰》,主持係阿 Bob,任務要喺街上搵個大叔拎電話。

小方 Stephy湊 B

鄧麗欣同方力申呢對情侶,戲入面都要同 BB做對手戲,估唔到小方湊 B手勢幾好喎!

復工達明

剛剛復工的張達明,飾演鄭中基好友,唔使太大勞動,相信達明應付有餘。

快閃 Miki

楊愛瑾同穀德昭都有份做串星,撞正公園散步的曾志偉,都有幾秒戲。

老豆琛

李璨琛做鄭中基好友,大家都結咗婚,眼見個個都有兒有女,激發鄭中基努力生 B的鬥心。



鍾意就快D Share啦!