張達倫同新歡喺商場行咗成個鐘，喺 Haagen Dazs買完雪糕火鍋走人。雖然冇拖手，但睇到新歡嘅眼神，望住張達倫係咁甜笑，就知佢幾冧對方。
真面目
祝福前度 黎芷珊復合無望 張達倫拖新女：想佢有另一半
娛樂新聞主播台柱、拿過「最佳主持」獎的黎芷珊，事業一帆風順，但愛情卻冇咁好彩。
自從前年跟拍拖 9年、細自己 12年的 TVB男藝員張達倫分手，芷珊一直未有新男友，男的事業卻轉好，長駐《愛．回家》，更火速有新歡。對於新戀情，張達倫大方回應：「係醞釀中嘅朋友」，更祝福前度：「我都希望佢快啲搵到另一半。」已經 47歲的黎芷珊要加油喇！
35歲張達倫前年跟拍拖 9年多的黎芷珊分手，二人分手後亦是好友。當年黎芷珊於《萬千星輝頒獎禮》奪「最佳女主持」時，在台上喊住答謝前男友。黎芷珊是星級主持、而男方仍未上位，當時有指女尊男卑令二人分手。
《愛．回家》上位
不過近年無綫鬧小生荒，造就過 6呎高、 model出身的張達倫上位，在處境劇《愛．回家》飾演律師 Richard的他佔戲頗重。雖然拍《愛．回家》困身，張達倫難接其他劇，但每月起碼有十多至二十個騷，騷錢算唔錯，屬於多騷藝人，而拍《愛》劇勝在密密有工開，月入平均有 2至 3萬。
跟舊愛距離漸近，加上二人仍保持聯絡，上年 7月黎芷珊的新書簽名會，張達倫亦有撐場，令外界猜測二人有機會復合，但原來張達倫已找到新歡。
「唔好同舊女友講」
前週五（ 27日），張達倫跟一短髮新歡在將軍澳東港城拍拖行超市。二人表現親暱，先孖住去超市家品部睇電器，其間張達倫對一座枱燈有興趣，新歡亦即時畀意見，之後更去買外賣朱古力雪糕火鍋，猶如熱戀情侶。
對於新戀情，張達倫亦默認，他說：「佢係醞釀緊嘅朋友，識咗 10年㗎喇，係圈外人。（有冇同黎芷珊講你拍拖呀？）呢啲嘢都係唔好同舊女友講喇！其實我哋𠵱家係好朋友，成日有聯絡，我亦都希望佢快啲搵到另一半。」本刊亦曾致電芷珊，但至截稿前仍未聯絡得上。
前度變老友
黎芷珊跟張達倫分手後仍表現得依依不捨，攞獎時提起對方仲喊曬口，但已有新歡的張達倫就冇咁拖泥帶水，對芷珊就好似老友態度，經常於微博公開支持對方。
《愛．回家》添食 700集
《愛．回家》雖然收視唔算爆燈，平均保持於廿幾點，但勝在長播長有好入屋。
劇中演員雖然難度期接其他劇，但收入夠穩定，主要演員爆燈，每月有 15、 20個騷，其中爆騷最多嘅係徐榮，每月幾乎穩袋 3， 4萬，而且《愛》劇開早廠，朝 8晚 6收工，令唔少藝員都爭入組。據知《愛》仲會添食到 700集（現 422集），真係大把騷錢執。
|
鍾意就快D Share啦！
|
|
|