掃呢頁CODE去手機

2014年1月8日 星期三

[FACE 346 專訪] 睇開啲  Regen Cheung Regen,張惠雅,MF,




EP封面玩紋身,想大家 focus紋身字意思。 Regen覺得在澳洲及大阪流浪,身邊有好多人好錫佢,「 Live is not easy but fun」就是有這意思。為 Regen「假」紋身是紋身師 Marcus。

FACEweekly

睇開啲  Regen Cheung

常言道:出走,是為了尋找回家的路。

Regen(張惠雅)前年工作上遇到樽頸,抽身暫時離開跳唱組合 HotCha,獨自走到大阪及澳洲習舞及 working holiday,在旅程上有所體會,學懂了 let go& relax,回港後積極上路出新 EP《 Awakening》,「醒覺」後造型大搞索女玩紋身,原來出走,是為了更索的 Regen囉!

組合……會 依賴

'11開始出走,一年前已經計劃行程,爭在未真正拎出個旅行喼,「講就講我想走,但到真正決定, HotCha嘅 Crystal同 Winkie都嘩一聲。一齊 8年多,前年覺得遇到樽頸,唔知點先可以進步,亦覺唔應該太依賴大家,所以想獨立一下。」離開前怕適應唔到,「咁大個女都未打過工,離開香港時,有好多前途問題未解決,搞到有情緒病,好辛苦。」

人情味……治療

獨自到大阪初學跳舞,一度令 Regen情緒更差,「頭一個月練舞,完全跟唔到人哋好勁嘅節奏,好挫敗,要大半個月先跟到,心情先好番啲。」兩個月後再到澳洲 working holiday,由摘荔枝到養草泥馬打工賺生活費,獨自走的路多了,人也見識多了,心態也轉了,「記得有個 backpacker朋友同我講,老時回味現在努力做過的事,就唔會後悔。」

醒覺 正……能量

Regen自言將 backpacker朋友的一番話,變成座右銘,只要努力做,就算成績不好,都不要過分怪責自己,要享受每個 moment,「回來後用了半年製作《 Awakening》 EP, 5首歌有頭炮跳舞曲〈 Get Back〉,另外有最新派台作〈莞爾〉同自己有份作詞的〈心跳 500天〉,都係較正面的愛情曲,後者由我最愛同名電影啟發而寫,以前覺得愛情是靠緣分,但現在我覺得是要自己爭取。」

馬年 多……行善

Regen補充話自己冇人追(編按:係唔夠多人追啫!),不過馬年剛到, Regen呢位 25歲女上年尾有無綫劇《貓屎媽媽》以外,就係想多練舞,「我係跳舞而入行,到𠵱家團火都冇熄,希望來年有更多跳舞活動參與。」增值自己也不忘為別人增值,「去澳洲那年曾經好迷失,感激一路有好心人幫助及鼓勵,來年都想參加多點慈善活動,幫助有需要的人。」我知 Regen講得出就做得到嘅, right?

EP內頁另一個「假」紋身,就是想身邊的朋友學她,可以在困局中做一個 big move,令自己度過難關。



鍾意就快D Share啦!