掃呢頁CODE去手機

2014年1月8日 星期三

[FACE 346] 揞名爆 《叱咤》綵排洩基密 雲海爆 X先生蒲同志吧 雲海,MF,




事發的 12年 1月 1日,雲海話 headset聽到秘密,迪偉就推搪當年用咪,有圖有真相(下圖),確係迪偉記性差。《蘋果日報》圖片

真面目

揞名爆 《叱吒》綵排洩基密 雲海爆 X先生蒲同志吧

年年頒獎禮季節,歌手忙,歌迷同市民仲忙,因為又要睇又要踩仲要跟進無數頒獎禮延伸八卦討論!唔好以為《叱吒》號稱計播放率就冇是非,爭獎換獎仲有歌手表演有排講。 1月 1日,《叱吒》舉行當日,離開商台的雲海就爆花邊,話有年綵排時, DJ餘迪偉忘記熄咪,當場踢爆「 X先生」入基吧。

雲海 fb話明係出自 DJ餘迪偉把聲,台前幕後綵排人員都透過 headset聽到其與 X先生基吧話題。

其實《叱吒》頒獎禮唔係首次發生忘記熄咪爆大鑊事件, 01年元旦夜,就試過疑似有人忘記熄咪,從後台傳出響亮女聲:「(俞琤)收皮!」。估唔到同類事件,雲海在面書上話於綵排時又再重演。

離職爆大鑊

雲海爆料,即吸引過三百網友 like,眾多網民留言猜燈謎。雲海話事情發生於兩年前、《叱吒》頒獎前總綵排期間,聲音自後台傳來。有網友立即將茅頭指向年中導致雲海辭職的關鍵人物當奴,雲海則暗示被爆訪基吧的是「圈中人而非商台人」。

據知情人士透露,當時後台等候的準備表演的歌手和工作人員不多,現場聽到的不超過 10人。週日記者致電雲海,他否認要爆料賀商台:「我唔會講係邊個,總之當日戴 headset全場都聽到,但去到關鍵就俾人熄咗。講呢單嘢出嚟純粹提嚇啲人,真係好易出事,講嘢前要記得熄咪之嘛!」

至於餘迪偉就更加唔認禍從口出:「咁耐唔記得喇喎! Headset?三年前已經用緊咪喇喎,冇理由囉!」但翻查資料 12年要綵排的歌手只有盧廣仲,而去年則有方大同、周國賢等男歌手要綵排,其後本刊再致電雲海,他則說:「我唔會再講喇!」

辭去商台主持職務,雲海無職一身輕,今年元旦即在 facebook爆兩年前《叱吒》花邊。

據知情人士透露,當年在後台與迪偉同場人士大有機會是有份表演的方大同、周國賢、盧凱彤及其他 DJ。

'13在場

'12綵排

有仇口

去年 6月 9日,雲海先在面書抗議商台高層擅自剪去其《摩星嶺 4號》長達二十分鐘節目,疑似內容敏感自我河蟹,翌日即向商台請辭。而事件後,有感好友當奴站在商台立場,公布與當奴絕交。今次有網友估「 X先生」為當奴,雲海就否認。



鍾意就快D Share啦!