掃呢頁CODE去手機

2014年1月15日 星期三

[FACE 347] 黎明出面換獎 翻脹衞蘭離奇入「十大」 衞蘭,黎明,MF,




FBI

黎明出面換獎 翻脹衞蘭離奇入「十大」

元旦商台搞完悶騷《叱吒樂壇頒獎典禮》後,週日( 12日)輪到港台搞《十大中文金曲頒獎禮》,雖然預咗又係陳奕迅同容祖兒做大贏家,但見到上屆十優歌手冇佢份,而且成年冇乜聲氣嘅衞蘭,竟然有一首冇乜人聽過、叫〈街燈晚餐〉嘅歌成為十大金曲, FBI都好愕然。

FBI即刻八嚇有乜內幕,原來今次衞蘭分到一個獎,係佢所屬 Amusic老闆黎明出面幫佢爭取返嚟。事關黎明最近答應做港台「 RTHK 31台」開台禮嘉賓嘅條件,就係要港台頒番個獎畀佢最錫嘅衞蘭。雖然有老闆出手搭盡天地線,但嗰晚衞蘭表現失準,多次走音,而且身形繼續「肥過部電單車」,真係嘥曬黎老闆一番心機。

奪得「最優秀男歌手」等 6個獎項嘅 Eason呢晚冇黑面,小鳳姐頒獎畀佢嗰陣仲笑住問小鳳姐幾時開演唱會,小鳳姐乘機叫佢嚟睇。

衞蘭攞獎時話要多謝港台對佢一路嘅支持,同埋要多謝黎老闆同唱片公司。講真,如果唔係有黎明疼錫,呢晚衞蘭又點會有得上台?

Leon早前答應港台做「 RTHK 31台」嘅開台禮嘉賓,目的就係換嚟愛將衞蘭喺「十大」有獎攞,可惜衞蘭唔爭氣。

虎背熊腰

2013年曝光率甚少嘅衞蘭,冇見一排好似又肥咗, stylist仲要搵條紗裙畀佢著,令佢睇落肥上加肥,大整蠱!



鍾意就快D Share啦!