網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月15日 星期三

[FACE 347] 雙宿雙棲 簽 Paco再戰樂壇  Stephy小方新愛巢回流 Stephy,方力申,小方,鄧麗欣,MF,




北上搵銀三年,小方和 Stephy 2014決定回流,一個拍劇、一個再出碟, Stephy當然希望一洗「鄧走音」之名。上週一( 6日),屢傳婚訊的兩人,就由新愛巢行出,再到數碼港撐枱腳。

真面目

雙宿雙棲 簽 Paco再戰樂壇  Stephy小方新愛巢回流

33歲方力申和剛踏入 30的鄧麗欣,拍拖 8年,不時傳出婚訊, 11年滿約金牌大風後,兩人齊齊北上拍劇搵真銀,終於賺到第一桶金。

不過始終係歌手出身, 07年 Stephy唱〈電燈膽〉被網民笑「鄧走音」,她先決心在內地和影壇發展。經過幾年洗底,有傳 Stephy和小方將重返恩師黃栢高 Paco旗下, Stephy亦計劃再次出碟,難怪最近兩人在薄扶林租下二千呎新愛巢,雙雙回歸愛作戰。

其他影片

Stephy最近一次在港獻唱,是去年 6月在雷頌德紅館騷,但仍然要男友傍住。《蘋果日報》圖片

拍拖 8年的方力申和 Stephy,盛傳去年兩人已在沖繩秘婚,今年從內地回流香港,並決定補擺喜酒。

口快快︰結咗啦!

上週一( 6日),方力申駕著 Stephy的寶馬座駕,從銅鑼灣駛到薄扶林新愛巢浪頤居,上樓 10分鐘,本來穿短褲的小方換了長褲先落樓,與 Stephy前後腳步出,兩人再駕車到數碼港醫肚。

本刊追問兩人婚訊,小方口快快話︰「結咗啦!」之後再補鑊話︰「結恭(便秘)個結呀!」醫肚之後,兩人再拍拖睇戲,小方先排隊買飛, Stephy就馬上向本刊記者澄清︰「我冇話結(婚)㗎!佢話咋!都唔知同邊個結?」

兩人在新愛巢會合,小方先落樓取車,其間不時玩語音,相信是叫 Stephy快手啲。

小方和 Stephy不時傳婚訊,更有指去年兩人已在沖繩秘婚,小方更口快快話「結咗」,嚇到 Stephy O曬嘴。

據知小方父親都希望兩人快啲拉埋天窗,除了投資畫廊,亦教個仔買磚頭保值。

3年過冷河

據知,去年小方和 Stephy已在香港四出睇樓盤,雖然兩人各自持有一項物業與家人居住,但始終希望二人世界,而且快將滿約北京海潤的 Stephy,據聞 Paco有意再幫她出碟。

知情人士說︰「佢兩個呢兩年喺國內賺唔少,真係劇接劇, Stephy今年仲接咗兩套戲,但佢好想再出碟。當年 Paco幫佢揀咗唔少 hit歌,係佢自己衰走音,呢幾年當洗底囉。」

被網民笑足多年「鄧走音」,鄧麗欣之後甚少在香港公開唱歌,去年在國內發過一張國語專輯,有兩首新歌,可是反應一般,據知她希望靠 Paco再戰香港樂壇;而今年小方亦會返無綫拍劇,雙雙回流,留港梗要有個新竇啦!

返香港拍拖睇戲,問小方睇咩戲?他說︰「梗係支持港產片,睇《救火英雄》呀。」回流再戰,撐番套港片,好合理吖!

5萬 6租豪宅

薄扶林碧荔道的浪頤居,屬少有僅 10年的豪宅,只有 15個單位,所以甚少成交率。細單位都有千八呎,市場叫價 2,200萬;而二千五百呎 4房大單位連車位,叫價 4,400萬,租金由 5萬 6起跳,不過以「方氏伉儷」的家底,當然畀得起。

小方在 03年以低位 730萬購入碧瑤灣一單位, 10年以 2,388萬賣出,勁賺千六萬。

浪頤居

Stephy亦持有一物業, 10年以 705萬購入南灣禦園,不過未有太大升幅。

小方 05年再以 1,130萬買入貝沙灣,現值 1,900萬,賬面賺 770萬。《蘋果日報》圖片

飲水思源

小方和 Stephy由黃柏高 Paco帶入行,除了唱片,電影《十分愛》系列更令二人成為千萬票房男女主角。但搵錢要快,兩人 11年滿約金牌大風後,便齊齊北上拍劇搵真銀,有傳兩人以千萬人仔,分別簽約北京海潤和華誼兄弟,拍劇每集收 8萬人仔,認真和味,所以儲夠彈藥今年再回流。 Stephy再戰樂壇都簽番 Paco,唔怕似田蕊妮咁俾舊主話唔識飲水思源啦!

33歲小方和 30歲 Stephy入行超過 10年, Paco是兩人事業的伯樂,今年回流香港發展,就算太陽娛樂有薛凱琪坐鎮, Paco都要再捧 Stephy。《蘋果日報》圖片

去年與內地歌手何炅合唱的國語歌〈過得比我好〉,反應一般,在香港更加冇乜人聽過。



鍾意就快D Share啦!