掃呢頁CODE去手機

2014年1月22日 星期三

[FACE 348] 唔該借歪 甘草黨搵着數 黃秋生拖蘇玉華清洗演協 秋生,演藝人協會,演協,蘇玉華,黃秋生,MF,




黃秋生被拒進入演藝人協會會址,最初秋生茅頭直指秘書長陳芷菁,後來經志偉出面調停後,秋生上週六( 18日)已在微博改口風說:「我同芷菁又唔係十寃九仇,之前對事不對人,現在告一段落。」

真面目

唔該借歪 甘草黨搵著數 黃秋生拖蘇玉華清洗演協

上週一( 13日)香港演藝人協會改選會長,獲前會長曾志偉點名接班的候選人黃秋生,率大班藝員支持者到場爭位,竟遭秘書長陳芷菁請食閉門羮,秋生即場表演典地扮死嘔白泡,又指陳芷菁權力過大,一場會長選舉變鬧劇。

據知演協會內有人經常借演藝人協會盛名搵著數,黃秋生聲稱當選後會進行大改革,更狂打人情牌,搵埋「演藝」多年好友蘇玉華以及莊思敏等新血組班,難怪有人要反抗。

演藝人協會在 93年成立,當時會內理事如張曼玉、成龍、譚詠麟、梅艷芳等確係粒粒巨星,但經過 20年洗禮,近幾年會內班底陣容已大不如前,會內理事更充斥一班知名度甚低的甘草演員。

秋生為爭會長,跟一班支持者開了一個群組聯絡,秋生稱此群組為「醬油會」,會內據知除了提名人王祖藍,還包括蘇玉華、尹子維、莊思敏、曾國祥及數位秋生嘅演藝同學。

核心 蘇玉華

內閣 莊思敏:交咗表,冇人聯絡我哋。(真實對白)

內閣 曾國祥

提名人 王祖藍:佢哋(演協)唔習慣面對問題,就係最大問題。(真實對白)

有人渾水摸魚

本來會內多甘草並非壞事,但據知有人在會內分黨分派,好多時年青會員提出改革或者搞活動,老會員都一定阻撓,元老會員堅持維持不變,故新舊會員矛盾嚴重。

此外,其實有人借演協理事之名,在外招搖撈油水,知情者說:「班甘草除咗大時大節以開會為名,飲茶食飯開公數之外,更過分係有人借演藝人協會個名,返大陸同人傾登台,又話自己可以幫手叫到好多明星,好多內地人唔知就中伏,志偉怕俾佢哋搞搞嚇會整臭演藝人協會個名,所以叫秋生一定要改革演藝人協會!嗰日有人收到風秋生會上嚟,咪叫陳芷菁揸正嚟做囉,好在嗰日三哥(副會長苗僑偉)決定流會,先暫時拖住班人先!」

見面冇交流

《蘋果日報》圖片

上週五( 17日)黃秋生在邵逸夫追思會內跟陳芷菁(剪嘴)碰頭,但兩人全程沒有眼神交流,明顯仲有心病。

歷年來志偉都刻意搵新血加入演藝人協會,可惜多與元老級會員不咬弦,有傳劉華本有意擔任會長一職,但自從做過第 8屆( 07-09)副會長後,遭一班元老的開會態度嚇怕。

嚇怕

第 8屆副會長–劉德華

辭職

第 9屆副會長–林家棟

辭職

第 9屆副秘書長–穀祖琳

淡出

第 9屆副秘書長–吳家樂

心灰

第 9屆副秘書長–張繼聰

唔玩

第 9屆理事–房祖名

「秋生唔恨做!」

最初力撐秋生選會長的邵音音,有傳有人叫會員封嘴,上週四( 16日)邵音音出席首映時,遇見記者追問有關演協情況,音音姐只大叫:「呀!呀!」走人。

秋生受得志偉邀請,亦早已自組班底準備做嘢,除了當日跟他踩演藝人協會的莊思敏、郭少芸、呂慧儀等人外,未有出面的蘇玉華,再加上有份提名秋生做會長的現任理事王祖藍,亦是秋生內閣骨幹之一,據知秋生還準備讓二人在會內擔任要職。

而經過上週連續幾日的罵戰後,經曾志偉調停後,已冷靜的秋生在微博聲稱事情已告一段落,又話同陳芷菁「唔係十寃九仇。」實行封嘴等演協通知改選日期,而身為秋生內閣之一的莊思敏,週日( 19日)在電話中說:「其實我哋都未知秋生有乜改革,我哋填曬表,等緊演協通知,我覺得秋生都根本唔恨做,總之秋生想點做,我都一定支持啦!」

演協會甘草當道

演藝人協會創會 20年,每兩年一次改組理事會,但最近兩三屆會內理事已經充斥不太出名的甘草演員(藍字),據知會內新舊會員矛盾十分嚴重,不少新血如張繼聰、房祖名等,做一屆便告走人;而有傳林家棟及穀祖琳更被一班元老激到憤而辭職。

肥媽接騷好過

網上圖片



秋生雖然多人撐,但另一股勢力亦已醞釀,有傳演協內一批年長的會員,怕秋生當選會長後將委員會大換血,改制度令他們唔習慣,密謀推舉現任理事肥媽選會長。

但有知情人士透露,肥媽其實不願參選:「肥媽之前子宮生瘤割咗冇耐,好想休息嚇,就算有時間都返大陸接騷啦,點會肯做會長吖!」記者聯絡肥媽,可惜肥媽身在馬來西亞,至截稿前未有回覆。



鍾意就快D Share啦!