上週五（ 17日），吳尊同老婆及一對仔女走去迪士尼享受家庭樂，其間靚仔尊去完灰熊山穀玩「極速礦車」，之後又去埋反鬥奇兵大本營玩「沖天遙控車」，一班粉絲有得同偶像一齊玩，當然開心到癲。
FBI
吳尊偷運老婆大女入迪士尼
已經係一仔一女老豆嘅靚佬吳尊，上週四（ 16日）專程飛嚟香港出席 Vivienne Westwood時裝展，嗰晚有大把靚女同場，靚仔尊被問到驚唔驚太太呷醋時，佢就講笑話：「要呷醋， 7年前已經呷咗啦！」仲話自己好似個名一樣「專一」。
FBI都可以保證佢對太太林麗瑩好專一，而且好錫一對仔女。 FBI八到，原來吳尊上星期嚟香港時，佢老婆同大女都有同行，不過吳尊為咗唔想老婆同大女曝光，專登同佢哋前後腳步出機場，然後分頭行事，老婆帶住大女入住迪士尼酒店；而吳尊就單獨出席 Vivienne Westwood活動。原本大會安排吳尊住喺金鐘萬麗酒店，但為咗享受家庭樂，吳尊完成活動後，即飛車入迪士尼酒店一家團聚，邊個話靚仔靠唔住㗎？
吳尊 09年同青梅竹馬女友林麗瑩結婚，冇耐生咗大女（右圖其中一位）上年亦生多咗個仔。雖然今次老婆及大女有同行，仲入埋迪士尼玩，但吳太就成功隱身，冇俾任何記者影到。
|
鍾意就快D Share啦！
|
|
|
