2014年1月29日 星期三

[FACE 349] 食嫩草 細 15年 陪食陪住 張曼玉 band仔新歡起底 曼玉,張曼玉,MF,




上月除夕,張曼玉撇低小男友 Adrian,自己同朋友去灣仔星街食飯。

真面目

食嫩草 細 15年 陪食陪住 張曼玉 band仔新歡起底

即將踏入 50歲的張曼玉一向鍾意老外,前年同德國建築師男友 Ole分手後一直冇著落,直至近日被影到與三十多歲鬼仔放狗兼返屋企煮飯仔。

據知影後的新歡係本地獨立樂隊 Audiotraffic成員、 34歲的中國西班牙混血兒 Adrian Da Silva, 97年開始組 band,曾幫過 Eason、何超儀等做碟。近年張曼玉處於半退休狀態,醉心於唱歌同捽碟,正好同新歡擁有共同愛好。雖然兩人年齡相差 15年,不過影後愛得癡纏唔介意,母子戀又有乜所謂喎!

上週四( 23日),獲今屆「英國 Mercury音樂大獎」的唱作男歌手 James Blunt來港開騷,當晚張曼玉被拍得與黃耀明到場,原來明哥是幫手掩護好友的新戀情。

喺 Adrian嘅 facebook中,「戀愛狀況」一欄寫上「戀愛中」,證明佢同 Maggie真係蜜運中。

由電影人變音樂人,張曼玉(黃圈)日前同黃耀明一齊睇 James Blunt演唱會。《蘋果日報》圖片

主動出擊

34歲的 Adrian Da Silva, 97年與衞詩前男友 Don Cruz以「 Cry」名義出道, 98年出過碟,但甚少人留意。其間樂隊重組, 08年再以「 Audiotraffic」出同名專輯,當年發布會更獲何超儀、黃貫中及徐濠縈現身撐場。夾 band搵唔到食, Adrian間中亦有為港產片做 soundtrack,好似《豪情》同《新警察故事》。雖然 Audiotraffic在港知名度唔高,不過都曾為 Mansun、 The Tears等國際知名樂隊的香港演唱會做開場嘉賓,都算巴閉!

自從 04年拍攝《 Clean》(錯過又如何)時,張曼玉開始接觸一些獨立音樂人,在電影原聲大碟中,她更演唱了四首歌曲。 12年 10月,張曼玉在北京首次公開現場獻唱,演唱了自己作詞、與紐約音樂人共同編曲的〈 Visionary Heart〉。

據知張曼玉和 Adrian亦是緣於音樂,在港生活多年的 Adrian,同唔少圈中人相當熟。「 Maggie呢幾年群埋好多音樂人,仲試過同紐約、冰島、挪威等地嘅音樂人合作。有一次 Maggie去錄音室, Adrian咁啱有去,本來兩個完全唔識,但嗰晚傾音樂傾到唔捨得走!其實 Adrian喺香港大,佢一直當 Maggie係 Super Star,但係冇諗過大家嘅嗜好咁夾,最初只係諗住大家玩得埋,但之後 Maggie好主動搵 Adrian! Adrian仲同班 band友講,話 Maggie對自己好熱情,話佢啲小動靜好似自己個 ex Ole,不過 Ole係完全冇 music sense,傾唔到偈,同 Adrian就好 match喎!讚到 Adrian上天㗎!」知情人士透露。

專黐潮中女

Audiotraffic曾經為電影《豪情》做配樂,因而認識 Eason, 08年樂隊出碟,阿徐都有代老公撐場。

《蘋果日報》圖片

吳彥祖同 Adrian熟絡,咁蹺張曼玉亦搵過吳彥祖合作出碟。《蘋果日報》圖片

Adrian間中有幫何超儀做音樂,不過超儀同 Don新組嘅「 Josie& the Uni Boys」就飛起咗 Adrian。《蘋果日報》圖片

本刊曾影到衞詩同 Don拍拖,唔通玩音樂嘅人真係啱傾啲?

張曼玉近年愛上音樂, 12年的 Vogue北京周年慶典上,更大展歌喉上台表演。

拍拖半年

張曼玉近月出席活動時容光煥發,面色紅潤,有拖拍真係零舍唔同!《蘋果日報》圖片

據知,張曼玉同 Adrian拍拖近半年,男方已搬入女友的南灣豪宅,有雜誌影到兩人孖住出去放狗,曼玉仲向途人表示 Adrian係佢男友,更有指年近半百的影後有愛情滋潤而回春,出現少女獨有的「蘋果肌」。最新動作,據知 Adrian仲會為 Maggie寫歌,「婦唱夫隨」。

其實貴為國際級女星, Maggie唔揀高大靚仔,反而鍾情於導演、音樂人等才華型老外,其中法籍珠寶商 Guillaume Brochard更加結過婚有小朋友。熟男試得多,係時候轉嚇口味食嫩草!

Adrian私相好 high

Adrian的 facebook內放了大量私相,除咗同女友人沙灘半裸曬腩肉外,仲有頹廢扯煙 look,另外又同女友人玩到舔耳仔,好 wild喎!

曬腩

網上圖片

舔耳

網上圖片

擔煙

網上圖片

陶傑妙論母子戀

講起母子戀,梗係要搵陶傑發表偉論啦!佢最新執導的《愛.尋.迷》(上圖),咁啱又有羅霖同關楚耀呢 pair玩出火。

對於曼玉呢期鍾意母子戀,才子就話:「呢啲母子戀做阿媽嗰個要 keep得高貴同埋身材實際,感情要 high,唔好變咗做師奶,最好加埋有少少現金,絕對 keep得住姊弟戀;因為呢啲 4、 50嘅女人,乜都睇化曬,男友滾嘅滾、老公包嘅包,絕對明白曬男人嘅需要,男人絕對唔介意有多個阿媽照顧。」



鍾意就快D Share啦!
Related Posts Plugin for WordPress, Blogger...