[FACE 349] 唱爆 Sammi梅姐 miss A趷籮叫 High Sammi,鄭秀文,MF,

miss A為 JYP娛樂皇牌女團， 4位成員唔只唱得跳得，身形仲鬼咁惹火，上週六（ 25日）踩入亞洲博覽館開騷，一開場即以短裙熱褲扭腰趷籮唱出勁歌〈 Hush〉搞 high全場。

FBI

唱爆 Sammi梅姐　 miss A趷籮叫 High

踏入 2014年，打頭陣唱第 1個香港韓騷，就係韓國 4人索女天團 miss A，上週六（ 25日） 4位索女率先踩入亞洲博覽館開騷。騷名叫《 miss A Fans Party》，除與港「飯」玩遊戲作近距離接觸， FBI當然同全場「 A飯」齊齊叫啦！當然唔少得表演勁歌熱舞娛賓。當晚 4位索女跳住唱跳舞歌〈 Hush〉等多首代表作外，其間更突然玩倒立，做出倒奶姿勢。

講到高潮，一定係 4人各自 solo環節，著住高衩旗袍嘅中國籍隊員霏霏，深情演繹梅艷芳嘅經典國語歌〈女人花〉向梅姐致敬，之後仲拍住同鄉好姊妹孟佳用廣東話唱出鄭秀文嘅跳舞歌〈煞科〉。 FBI真係好想問，點解咁多韓星來香港都要唱上一代嘅廣東歌呢？香港啲新歌唔識唱？

miss A中以 Min最跳得， solo表演時， Min就扮女機械人，凸胸趷籮跳出 robot dance，全場拍爛手掌。

miss A中，以 19歲嘅秀智最受歡迎。秀智個樣雖然好純情，但跳起火辣舞可以好索。

唔只跳舞勁，唱跳舞歌〈 Breathe〉時，霏霏同孟佳更表演倒立，連雜技都玩埋。

鍾意就快D Share啦！

下一篇 》