網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月12日 星期日

同Stephy結咗婚?方力申:係呀! Stephy,方力申,鄧麗欣,




去年盛傳已在日本沖繩秘婚的方力申(小方)和鄧麗欣(Stephy),雖然早前有指兩人及雙方家長就擺酒及禮金問題吵大鑊,但現已和好如初,日前拍住拖睇戲,問到是否已婚時,小方更不假思索直認:「係呀!」身旁的Stephy想阻止也阻止不來!

方力申衝口而出認已婚,Stephy惟有話「唔知佢同邊個結咗」兜番,相當搞笑!

與方力申撐枱腳的Stephy發現鏡頭時友善舉V。

一身運動Look的方力申驅車到新愛巢換衫兼接Stephy。

戲飛一交一接,盡顯方力申和Stephy的默契!

如果Stephy結婚,區文詩實做伴娘幫手!

前日下午5時許,小方駕駛女友Stephy的寶馬座駕返回舊居附近的新愛巢並上樓更衣。約10分鐘後,小方落樓時已由原來的短褲運動裝換成一身型仔Look,然後載著Stephy離開寓所直駛數碼港。到埗後兩人分道而行,小方在雙黃線放低女友後往停車場泊車,Stephy則先到餐廳攞位,未幾小方已到餐廳會合撐枱腳。

約半小時後,兩人孖住到戲院睇戲,期間記者上前問兩人是否已結婚,正當Stephy還一臉緊張之際,小方已衝口而出直認:「係呀!」Stephy聞言驚訝地說:「唔好亂講嘢喎!」這時小方才「知衰」並補鑊說:「係結,結宮(便秘)個結。」記者再問Stephy是否已婚,她死撐說:「佢(小方)話結咗咋,我未結呀,唔知佢同邊個結咗!」

笑住講湊B

談到兩人是否為將來生B大計而搬新屋方便湊B?小方否認並笑說:「湊你個BB啊?」問到兩人趕不趕生馬BB,他倆即心有靈犀地同時沉默,並對望傻笑,Sweet到漏!約晚上7時許,兩人看完戲後一起攞車駛回愛巢。

另外,Stephy好友區文詩昨日出席活動時自爆聖誕跟Stephy因狂打邊爐而一起患腸胃炎,又透露新年期間會與男友及朋友到峇里旅行賀生日。記者昨日再聯絡區文詩談到有傳Stephy已秘婚,她語帶避忌說:「嗯……我唔知囉,除非佢哋親口同我講啦!」又大讚兩人十分甜蜜,是否秘婚不是重點,如果Stephy開到口邀請,一定會為對方做伴娘。

方力申衝口而出認已婚,Stephy惟有話「唔知佢同邊個結咗」兜番,相當搞笑!

與方力申撐枱腳的Stephy發現鏡頭時友善舉V。

一身運動Look的方力申驅車到新愛巢換衫兼接Stephy。

戲飛一交一接,盡顯方力申和Stephy的默契!

如果Stephy結婚,區文詩實做伴娘幫手!



鍾意就快D Share啦!