掃呢頁CODE去手機

2014年2月7日 星期五

[忽然1周 967] 分居 8個月拖住唔簽字  Toby搵阿媽出手箍煲 MW,




滾熱辣

分居 8個月拖住唔簽字  Toby搵阿媽出手箍煲

梁靖琪( Toby) 11年尾下嫁二億身家的紡織業太子爺黃敏豪( Aaron),婚後恩愛。不過自 12年 9月發生「泳池攬啜吳卓羲」事件,導致兩人關係破裂,而老公更於去年 7月決絕向 Toby提出離婚,兩人分居達 8個月,實則得番年半婚姻。

分居期間, Toby一直採拖字訣,只分居不簽字離婚。而 Toby媽咪芭姐見女兒日漸消瘦,心痛不已,更出手幫忙箍煲,為女兒及女婿做和事老,相約兩人食飯,希望他們破鏡重圓。 2月 5日, Toby為新劇開工,但見她暴瘦 15磅,神情呆滯憔悴。

其他影片
  • 講 Toby離婚 三哥大方 吳卓羲避忌

即將 31歲的 Toby,近日被踢爆閃電搞離婚後,立即在微博自爆與老公是「和平分開」,並強調唔關第三者事。被記者踢爆離婚當晚,有報章影到 Toby約前夫出來打邊爐,力證兩人再見亦是朋友。

不過,據知今次離婚死因,乃「攬啜吳卓羲」事件引爆。 Toby現在對丈夫尚未忘情,仍抱有一絲復合寄望。「芭姐( Toby母)知個女仲好鍾意佢老公,只係佢後生唔定性啫!加上芭姐好欣賞女婿人品,話佢純品又孝順。雖然兩人分居,但芭姐次次打俾女婿,佢都好有禮貌,咁芭姐咪打蛇隨棍上,製造啲機會俾兩個後生,希望佢哋復合。女婿近日都有啲心軟,同 Toby見多咗!」

微博爆離婚

攬啜吳卓羲

2012年 9月,《衝上雲霄 2》往海南島拍外景,吳卓羲和身穿逼爆三點式的 Toby泳池戲水攬啜,動作親密,成為 Toby離婚導火線。

暴瘦 15磅

Toby雖然貪玩,自從分居後,心情直跌穀底,初期更日日以淚洗面,有朋友見她情緒差,就陪玩健身,希望她借運動發洩鬱結。 Toby亦接拍新劇, 2月 5日,為新劇開工,記者見她面容憔悴,身形瘦了兩個碼。

問到分居心情, Toby雖然話以「平常心」面對,但記者見她不用埋位時,經常若有所思,更不時拉住好姊妹阿佘密斟。

記︰你瘦咗好多,係咪因為離婚?

T︰係瘦咗,健身啫!

記︰係咪吳卓羲事件影響你哋夫妻感情?

T︰講咗好多次唔關事,係因為太了解而分開(激動)。

記︰覺唔覺可惜?有冇諗過復合?

T︰每段婚姻唔 work都好可惜!依家最緊要做好自己。

記︰你媽咪芭姐好落力同你箍煲?

T︰唔……唔知,媽咪最緊要小朋友開心。(想復合嗎?)順其自然啦。

記︰之前你老公係咪要求你戒蒲以及生仔?

T︰蒲真係唔多,生小朋友亦係順其自然。



Toby向來身形豐滿,身材惹火。想不到飽受情傷後, Toby暴瘦十幾磅塊面凹曬,連 C Cup巨胸都消失。

媽咪芭姐

去年 8月,梁家樹搞生日飯局,群星到賀,獨欠女婿黃敏豪。

齋分居未簽字

記︰老公近排同你見密咗,係咪有得掹?

T︰我哋關係一向好好,順其自然啦。

記︰現階段你哋仲係分居冷靜期,未簽字(離婚)?

T︰係分居,仲未簽字。

其實芭姐出手已不是一朝一夕的事,據知攬啜吳卓羲事發後, Toby老爺曾嬲到上門大鬧新抱,事後更俾壓力個仔,私下叫個仔睇實個老婆。芭姐已充當和事老角色。

「當時黃家上下嬲到火紅火綠,黃老爺覺得好冇面,踩上門鬧新抱離譜, Toby當時只係唔出聲,但佢唔覺得自己錯仲同老公冷戰咗兩個幾月。

「芭姐見個女咁大鑊,惟有出手居間調停,仲親自打電話俾親家道曬歉,最後 Aaron都心軟,話俾 Toby最後機會,但就要佢戒蒲兼生仔,要佢修心養性。可惜 Toby乖咗幾個月就故態復萌,繼續同班朋友再蒲過。始終佢未定性又貪玩,而且佢嘅婚禮策劃生意做得唔錯,唔使靠老公養。 Aaron最終都心死提出離婚,到老公真係分手, Toby至知死!」

對於幫女兒力挽婚姻,芭姐說:「作為媽咪,最緊要佢哋兩個開心,我兩個都錫。(你同親家好熟?)同親家係好朋友,成日食飯見面聯絡。佢哋兩個仍然係非常好嘅朋友,大家都關心大家。」至於 Toby父親梁家樹則說:「我哋……幫得到都盡量去幫,婚姻係兩個人嘅嘢,作為父母係關心但都要面對現實。」

據知女兒同女婿已分居,但芭姐依然抱有期望,更力勸個女主動箍煲。男方近日似有軟化的跡象,芭姐惟有加多幾錢肉緊同個女做中間人了。

人後疏離

自攬啜事件後, Toby夫婦鮮有一同現身。本刊曾發現 Toby夫婦一同到九龍城食晏,兩人全程冇交流,離開時又是前後腳,關係疏離。

人前力撐

攬啜吳卓羲後, Toby回港仍得丈夫黃敏豪接送,攞明做騷應付傳媒。

周三( 5日)黃敏豪下午四時揸車接載父母回家。他驅車直接駛入停車場,記者未有機會提問。

周三( 5日) Toby為《使徒行者》開工,拍攝前, Toby忽然情緒低落,要好姊妹佘詩曼安慰。

任君抽水

入行以來,梁靖琪(

Toby)多次和合作拍檔有親密接觸,其豪放作風唔係個個男人接受到囉。

狂電三哥

07年《歲月風雲》宣傳時, Toby多次當眾向三哥眉目傳情,後來又被傳媒發現兩人十指緊扣。

撻著 Bosco

Toby和黃宗澤 2010年因合作《摘星之旅》,被傳戲假情真。兩人出席公開活動時,亦態度親暱。

胸壓思捷

為《荃加福祿壽探案》宣傳, Toby和官恩娜奉旨攬李思捷。不過官恩娜手踭行先保護自己,唔似 Toby任李思捷食波餅。

摷爆唯唯

11年在《團圓》活動上, Toby和梁烈唯玩到攬埋一嚿, Toby右手更在梁烈唯敏感地帶遊走。

閃結閃離

現代人婚姻,合則來不合則去,閃婚已成為潮流,閃離也不出為奇。至於鄭中基及蔡卓妍秘婚及離婚同日爆出,認真富戲劇性。

9個月 周潤發 餘安安

83年 2月,發哥與陳玉蓮分手幾個月後,突然宣布與餘安安結婚,因事前冇人知道他們拍拖,震撼全城。不過婚姻只維持九個月,兩人於 84年離婚。

1年  Julio 胡婷婷

樂壇組合 Solar的大孖 Julio,與台中市長千金胡婷婷結婚一年後,突然在年三十晚於 facebook宣布「分手」,之後更被指兩人沒有正式註冊。

4年 鄭中基 蔡卓妍

兩人在 04年合作而擦出愛火花,兩年後秘婚。 2010年 3月傳媒揭發兩人婚事,同日兩人開記招,承認秘婚之餘也宣布搞緊離婚。

其他影片
  • 講 Toby離婚 三哥大方 吳卓羲避忌


鍾意就快D Share啦!