2014年2月21日 星期五

[忽然1周 969] 吳文忻 改名生 B 吳文忻,MW,




舊年曾經傳過吳文忻會考慮人工受孕,事實上佢只係打過排卵針,好好彩,無幾耐就有咗!佢仲開心到放 BB張超聲波相上網。

媽咪姐

吳文忻 改名生 B

嘩!踏入馬年,圈中喜事真係一單接一單。前排媽咪姐同個老死去中環荷花睇 BB嘢,點知轉個頭就見到好耐無見嘅吳文忻企正隔籬,正想上前去打聲招呼,但見佢好似好避忌咁,媽咪姐即時知咩事啦!梗係未夠 3個月。

屈指一算,吳文忻家陣都已經 39歲,生仔真係要盡快喇,所以佢上年搵相士改名吳忻熹,希望旺生 B。今次見佢買曬啲大肚婆食嘅魚油丸同鈣片,睇怕都係佢上年年尾同老公仔去旅行時造人成功,唔知會係馬仔定馬女呢?

睇完孕婦用品,又揀 BB車,逐架試嚇穩唔穩陣!

吳文忻向來都係感情大過天,所以 2010年嫁咗俾同學仔兼舊愛陳劍陵( Kim)之後,就開始淡出過佢嘅少奶奶生活。今次有咗,老公仔明顯照顧有加,吩咐司機管接送。



鍾意就快D Share啦!
Related Posts Plugin for WordPress, Blogger...