網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月21日 星期五

[忽然1周 969] 馬上晒冷 MW,




博出位

馬上曬冷

周日( 16號)嘅渣打馬拉松適逢寒風襲港,所有參賽嘅選手天未光就要起跑,室外氣溫只得 7度,聽見都凍到騰騰震啦!不過咁,睇見徐濠縈以 3小時 50分跑完 42公里,跑贏陳山聰半個鐘頭,都真係要俾個「叻」字過佢。

徐濠縈肯亞徐

之前日練夜練都係為咗比賽呢一日,俾老公陳奕迅改名叫「肯亞徐」嘅徐濠縈,今次完成咗佢首個 42公里嘅全馬。雖然天氣極凍,但都可以喺 4個小時內完成,當晚除咗大搞慶功宴,仲話:「跑完全馬咩都得,生多 10個都得。」咁康堤想要細佬定係細妹呢?

為慶祝阿徐完成首個全馬賽事,好友一早訂製了寫上「 FULL HILARY」嘅蛋糕牌送俾佢,仲預備定香檳慶祝㖭!

陳山聰腿抽筋

近半年不斷以跑步瘦身嘅陳山聰,一早就大事宣揚話要參加賽事,更要挑戰全馬比賽。雖然成績就唔夠「肯亞徐」快,要成 4小時 25分鐘先完成賽事,比預期 4小時慢,但後腿抽筋都能夠堅持到最後,意志可嘉。

鍾舒漫痛住跑

跑馬拉松唔單止係自我挑戰,對鍾舒漫嚟講,亦係一種練氣方式。今次佢參加 10公里公路賽,以 1小時 14分鐘完成,又凍又大風仲吹到頭痛㖭。唔怕,返到屋企就有吳浩康呢個廿四孝男友錫番!

周柏豪天才波

每個參加馬拉松嘅跑手,都會喺事前不停咁練習,但周柏豪就話自己冇時間練習,今次靠天才波無壓力所以跑得好輕鬆咁話。而且成績又確係唔錯,只係需要 1小時 02分就跑完 10公里,跑得咁好下次應該參加全馬嘛。

劉心悠手套黨

近幾次嘅馬拉松,心悠 BB都有份參加,不過今年天氣真係凍咗好多,連女神都要著番件外套加對厚手套先去比賽,最終當然順利以 1小時 07分完成 10公里啦。



鍾意就快D Share啦!