2014年2月21日 星期五

[忽然1周 969] 顏福偉麥包 基情綿綿 顏福偉,麥長青,麥包,MW,




顏福偉話依家會直接問人:「 Are you gay?」仲話已經兩年無拍拖,因為自己唔去基吧,好難識人。

媽咪姐

顏福偉麥包 基情綿綿

白花油王子顏福偉早前上 DBC電台接受吳綺莉( Elaine)訪問,話題梗離唔開同性戀!被問到喜歡邊類型,顏福偉就揀麥包麥長青, Elaine即刻話:「我都覺得你會 like呢類,你唔會喜歡書生型!」顏生仲補充:「我識咗麥包好多年啦!」

媽咪姐問番麥包,佢好謙喎,「當我係形容詞啫!我哋係朋友,識咗好多年。佢有佢選擇,我身邊都有好多朋友係同性戀者!」話時話,媽咪姐真係估唔到顏福偉喺節目中言論咁開放, 52歲嘅佢睇化曬,「乜都講,無所謂啦!」 Elaine就笑笑口話:「如果喺古代,佢唔會有事,我就要浸豬籠啦(指做未婚媽媽)。」咦,你又啱喎!

顏福偉同吳綺莉識咗廿年,雖然中間 Elaine喺上海生活時,兩人無聯絡,但一見面就傾唔停。

麥包面圓圓,好有觀眾緣,顏生真識揀!



鍾意就快D Share啦!
Related Posts Plugin for WordPress, Blogger...