網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月6日 星期四

[壹週刊 1248] 落足料 影帝視帝夾住上 黃子華 60萬墊 Sammi 子華,鄭秀文,Sammi,黃子華,M1,




無綫頒獎禮無影的黃子華獲封視帝,早前專程返港補領獎項。

探熱針

落足料 影帝視帝夾住上 黃子華 60萬墊 Sammi

黃子華去年返無綫拍《 My盛 Lady》捧走視帝,贏唔到收視,但男神號召力依然,繼在賀歲片《金雞 SSS》客串做十三少義助吳君如後,又答應卓韻芝為她執導的新片客串四日,做鄭秀文前夫。

六十萬代價𢱑黃子華埋位四日,目的是要視帝發功,與影帝張家輝聯手,幫 Sammi叫胡爭影後。

日薪十五萬

處女作《爆 3俏嬌娃》票房麻麻,但卓韻芝繼續有老細投資搞戲,原因是她手上有王牌:鄭秀文。

身兼導演、編劇的卓韻芝,新作是時下港人最迫切的住屋問題作背景的愛情小品,但卡士個個擲地有聲。與她分屬好友的 Sammi,答應收順啲埋位,有天後級女主角在陣,連近年好少接拍喜劇的張家輝,都肯落疊配合做男主角。

眼見好友 Sammi多次同影後擦身而過,卓韻芝好有野心,希望藉今次合作,為好姊妹爭取機會攞影後,為加強陣容實力,連戲份唔多,做 Sammi前夫的角色,一樣精雕細琢。

「 Sammi減價幫手咁夠義氣,阿芝都好想幫老友做啲嘢,計過度過,佢覺得黃子華係最佳人選,視帝人氣爆錶又有 gimmick,最重要係子華、家輝同 Sammi都未合作過,對演員對部戲都可以有好大發揮空間,所以阿芝堅持 out budget都要用黃子華!」一名幕後人員透露。

視帝要拍拖本身工作亦排到密麻麻,卓韻芝堅持用黃子華,對方亦企硬埋位四日,六十萬鐵價不二。

農曆年後 Sammi便埋位為卓韻芝新戲開工,扮演失婚婦人。

《激戰》大爆後,最新片酬嗌千二萬的張家輝,係咁意減 200萬拍 Sammi。

去年卓韻芝處女執導的《爆 3俏嬌娃》搵來周秀娜、餘曉彤和盧頌之擔任電影女主角。

唔再拍劇

去年無綫《萬千星輝頒獎禮》玩公投,造就深受網友支持的黃子華憑《 My盛 Lady》捧走視帝。有指應屆視帝會倒戈王維基的香港電視,但他卻以年尾要做棟篤笑作擋箭牌。

「除非有史提芬史匹堡的劇本,李安執導,我就樂意客串;都只係客串,我真係無時間。」

落閘無意轉會,但黃子華亦講明無意再為無綫拍劇。

「拍完呢套《 My盛 Lady》,止咗癮啦!我都唔知,可能呢套係 TVB最後一套劇,因為我唔想再拍喜劇,我而家想拍劇情片,政治題材都無拘,好多年前有套戲叫《黑金》,但係如果二○一七無普選,想拍呢啲題材都好難,所以真係唔知下套會係幾時。」黃子華說。

其實無論拍劇定拍戲,始終唔及黃子華首本戲棟篤笑好搵,度橋要花時間,做串星搵快錢 OK,其他,一如當事人所講:有史匹堡同李安先諗。

以楝篤笑起家的黃子華,由伊館做到入紅館,做到可以去巡迴,發過豬頭。

鄭秀文同卓韻芝相識多年, 08年兩人為宣明會結伴到老撾進行探訪。

憑《 My盛 lady》攞視帝的黃子華,表示無意再為無線拍劇。

02年黃子華自編自導的《 1蚊雞保鏢》慘淡收場,只得 11萬票房。

一級串星

娛樂圈講關係,有時有錢都未必請得鬱班大卡士演員,反而碌人情卡,隨時有意外驚喜。

謝霆鋒

去年上畫,由杜汶澤和蔡卓妍主演的喜劇《超級經理人》,有影帝謝霆鋒神秘演出,一出場,觀眾即時嘰呱嘈。

劉德華

兩個新導演孭飛的電影《寒戰》,卡士有影帝郭富城與梁家輝,老闆江志強碌埋卡,搵到當時剛為人父的劉華友情客串飾演保安局局長,電影口碑好又有話題性,大收 4000萬成為 12年最收得的電影。

黎明

已經兩年冇拍戲的黎明,去年竟紆尊降貴,為範冰冰和愛將李治廷的內地電影《一夜驚情》做串星。

張家輝

為求在賀歲戲中跑出,吳君如碌爆卡找來一眾好友兼舊愛演出《金雞 SSS》,當中最驚喜的是「七料影帝」張家輝客串飾演過氣大佬。



鍾意就快D Share啦!