網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月6日 星期四

[壹週刊 1248] 流行病高峰 黎姿隔離馬家三千金 黎姿,M1,




擔心孻女 Pegella出街易接觸病菌,黎姿只能將囡囡留在家中。

探熱針

流行病高峰 黎姿隔離馬家三千金

香港正處於流感高峰期,家有三名寶貝女的黎姿,當然不會掉以輕心,尤其是一對三歲孖女 Pricia(大孖家蔚)和 Gianna(細孖家鎂)開始返 playgroup,更加容易接觸病菌,為怕連累一歲孻女 Pegella中招,黎姿於是採取隔離政策,除了家人探 B時間有限制外,大細孖同細細妹亦要分開照顧分開湊,以策萬全。

新年期間,黎姿一家四口外出開餐,從未曝光過的馬家三千金,只能留在家中,無菌隔離。

防菌保護

一○年七月,黎姿為富商老公馬廷強誕下孖女 Pricia和 Gianna。由於女兒出世時體重只有三磅,就算瞓足一個月氧氣箱,抵抗力依然較弱,靚太於是聽足醫生吩咐,隔絕孖女和外界接觸,頭一年要盡量留在家中,就算家人上門探 B,亦有時間限制。轉眼間孖女已經三歲多,健康狀況良好,證明當日實施的隔離政策,相當有效。

一二年,黎姿再為馬家誕下第三位千金 Pegella,即使 B女出世重八磅,但靚太堅持沿用醫生建議的湊孖女方法。

「屋企人有同 GiGi講過話 Pegella有八磅重,毋須跟足 Pricia同 Gianna嗰套方法去湊,但 GiGi覺得孖女頭一年唔出街、少見人,病痛唔多,覺得方法好 work,所以湊 Pegella都用番兩個家姐嗰套。」黎姿身邊人透露。

大孖家蔚精靈活潑,與媽咪黎姿最似樣。

平日公務繁忙四圍飛的馬廷強,新年期間停工抽空陪老婆、囡囡。

隔離升級

黎姿細女 Pegella已經一歲多,原本隔離期限已屆滿,但一對孖女家姐 Pricia和 Gianna開始入讀 playgroup,加上正值流感高峰期,為防兩個家姐有可能將細菌帶返屋企,傳染未打齊預防疫苗的細細妹,黎姿決定將隔離行動無限期延長。全面禁止 Pegella出外活動,打針、睇醫生,全部安排上門應診,又吩咐工人分開照顧孖女同細細妹。

「 GiGi話過最鍾意睇住孖女同細妹玩,不過近排啲流行病太犀利,佢唔捨得,都要將三個女分開湊!」

Pegella未獲「行街紙」,新年期間,黎姿同老公馬廷強出街家庭樂,身邊只有孖女 Pricia和 Gianna相伴。當晚七時,馬廷強一馬當先離開住所,紮住馬尾的黎姿緊隨其後,外傭則抱住大細孖,一行人上車出外。家庭飯局,繼續獨欠三千金。

生完三個 B,四十二歲的黎姿一樣 fit,在剛過去的除夕,向網友曬美腿,索!

全副心機放在家庭和胞弟生意上的黎姿,去年一月抽空出席周汶錡婚宴。

全面退出的黎姿去年俾面鄭伊健,聯同蒙嘉慧、應采兒、湯盈盈等去紅館欣賞《友情歲月演唱會》。



今年 7月黎姿帶孖女遊覽新加坡,單拖與香港遊客影合照。

(《蘋果日報》圖片)

攞命惡菌

雖然香港正處於流感高峰期,但最令香港家長聞之色變,是去年確診逾百宗,並奪去兩名幼童性命的肺炎鏈球菌。肺炎鏈球菌是一種球狀的革蘭氏陽性菌,一旦感冒或免疫力降低,病菌會經呼吸道直入腦膜和血液,可導致中耳炎、腦膜炎和肺炎。

肺炎鏈球菌最常發生在冬季和初春, 65歲以上長者, 5歲以下兒童,尤其是 2歲以下幼童,特別容易受感染。至於預防措施,一般人可接受 23價疫苗,而針對 2歲以下的幼童,目前只有一種 7價肺炎鏈球菌結合型疫苗可供注射,但必須於第 2、 4、 6及 12至 15個月接種 4次,才可獲 97%的保護力。



鍾意就快D Share啦!