網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月6日 星期四

[壹週刊 1248] 鄧健泓搞掂石詠莉同居 鄧健泓,M1,




探熱針

鄧健泓搞掂石詠莉同居

鄧健泓自從跟細自己十六年的無綫小花龔嘉欣甩拖,即被踢爆嗒豬扒港姐張嘉兒,結果被前度隔空鬧爆劈腿。半年未夠,張嘉兒轉嗒大隻男,鄧健泓則被指翻兜龔嘉欣,關係七國咁亂。馬年除舊迎新,向來唔熟唔食的鄧健泓,近日就手撻著舞台劇《大酒店有個荷李活》對手石詠莉,拍拖唔夠兩個月,二人火速同居。

彩排撻著

由無綫花旦、小花、港姐「食」到賣肉石詠莉,鄧健泓的口味,愈來愈街坊。

前年跟龔嘉欣在微博宣布分手,女方被指偷食舞王許家傑,鄧健泓則搭上○七年豬扒港姐張嘉兒,分手情侶隔空互鬧,「路人」姚子羚更出面撐好姊妹,寸鄧健泓唔食排骨改食扒。

再見不再是朋友,鄧健泓貫徹「唔熟唔食」作風,同豬扒玩完之後,繼續貪就手,搭上近期合作舞台劇對手,前組合 Freeze成員石詠莉。新女上場,鄧健泓例牌玩低調,不過拍拖唔夠兩個月的石詠莉,卻忍唔住爆響口有新戀情,去年聖誕,已表示打算兩年後結婚。

「佢兩個之前已經有來往,會間唔中出嚟見嚇。 Patrick(鄧健泓)不嬲對 Sukie(石詠莉)都有好感,幾個月前大家開始為舞台劇《大酒店》籌備開會,嗰陣 Sukie有單官司喺身, Patrick有曬藉口埋身,佢仲成日喺朋友面前讚女友唱歌好聽,身材又好。」知情者說。



舞台劇《大酒店有個荷李活》內,二人又唱又做。

食完飯,二人由文化中心散步到海運大廈的露天停車場攞車。

排完舞台劇,鄧健泓跟石詠莉孖住返荃灣屋企。

收工拍拖

二人同居在荃灣的樂悠居。

團年見家長

上週三(年廿九),因為女友年三十晚要返內地登台搵銀,鄧健泓於是安排石詠莉同屋企人提早食團年飯。晚上七時半,兩個孖住到尖沙咀文化中心的映月樓,會合鄧健泓父母及親戚,一家人坐滿十二人枱。

食到十點,二人先行離開,步行到海運大廈露天停車場攞車,返回荃灣樂悠居愛巢。

鄧健泓帶石詠莉跟屋企人食團年飯,細心的他不時夾餸給女友,二人更會不時對望甜笑。

年廿九食團年飯

隔空冧女

雖然未正式公開戀情,但對住合作多月的舞台劇對手,鄧健泓未有半點隱瞞,光明正大做女友柴可夫管接管送。

「大家都知佢哋拍緊拖,如果收夜, Patrick一定會送 Sukie返屋企,就算佢唔使綵排,都會特登揸車接女友收工, Patrick又成日推介 Sukie首新歌,叫我哋上 YouTube聽。」一名工作人員透露。

日前一眾舞台劇演員在新蒲崗一幢工業大廈綵排至晚上十一點,鄧健泓又做司機,駕著 Mini Cooper先送幾名同車演員回家,再跟女友一齊返愛巢。

踏入馬年,鄧健泓在微博力 sell石詠莉為舞台劇主唱的新歌,又表示新一年要珍惜眼前人,不斷隔空氹女友,難怪石詠莉無力招架,認定他為結婚對象。

石詠莉跟鄧健泓大部分前度一樣,都係事業線十分強,初出道時,她跟 Freeze其他成員次次亮相更係心口行先。

二人其實間唔中會在微博傳情,將自拍情侶相 po上微博外,鄧健泓更在馬年開始表示要「珍惜眼前人」。

2000年,鄧健泓又同合作《男親女愛》的原子鏸撻著,當日鄧更不介意公開戀情。

去年聖誕夜,石詠莉(右三)公開已有計劃結婚,其實當時另一半鄧健泓(右)亦在場,更有送上蛋糕給聖誕節生日的壽星女石詠莉。

食女貪就手

07年,由前無綫高層 Honey陳志雲力邀回巢,但鄧健泓未有好好把握機會,反而每次拍劇都跟對手擦出真火,更因而被雪藏。

李詩韻

05年,二人合作電視劇《老婆大人》撻著,其後火速在西貢同居,因陳志雲不滿愛將只顧拍拖不理工作,於是一度將他雪藏,二人唯有轉為地下情。 09年,李詩韻返加拿大完成大學課程,其間要經濟麻麻的男友接濟,最後為錢反目,四年情玩完。

龔嘉欣

跟李詩韻分手四個月後,鄧健泓拍電視劇《隔離七日情》搭上小花龔嘉欣,並火速在深井碧堤半島同居,拍拖兩年,二人在微博宣布分手。

張嘉兒

與龔嘉欣分手未幾,鄧健泓被踢爆跟豬扒港姐張嘉兒拍拖睇戲,女方更到男友屋企過夜。戀情見光死,張嘉兒近日已成功翻兜加拿大舊男友。

頻換畫

07年跟甄詠珊、陳樂榣組成「賣肉」女子組合 Freeze, sell整過容,加埋拋胸露腿,可惜唱極唔紅, 10年決定解散,石詠莉收起性感轉型做創作歌手,事業依舊冇起色,反而身邊男友卻一大堆,換畫密度,絕對拍得住鄧健泓。

紋身男

08年,石詠莉被拍到跟紋身男關偉文在銅鑼灣行街拍拖,但戀情最後無疾而終。

薑文傑

同年石詠莉飛甩紋身男,搭上同是音樂人的「秦沛仔」薑文傑,更被發現到男友屋企過夜。

金融男

12年,石詠莉自爆從事金融的圈外男友送訂婚戒指,原本視對方為結婚對像,但去年初卻突然宣告分手。



鍾意就快D Share啦!