網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月20日 星期四

[壹週刊 1250] 王祖藍李亞男 6月洞房 祖藍,李亞男,王祖藍,M1,




14/2

上週五王祖藍帶李亞男入迪士尼開餐賀情人節,離開時十指緊扣,大方任影。

探熱針

王祖藍李亞男 6月洞房

只得五呎三吋高,但王祖藍依然有本事撻著比自己高大半個頭的華裔小姐冠軍李亞男。拍拖五年,由於兩個都是虔誠基督徒,莫講話同居,單獨出埠旅行都怕情不自禁犯色戒。為盡快攞正牌破禁,去年八月,王祖藍豪擲 1,340萬,買入大埔雅景花園獨立屋,再用數百萬豪裝打造愛巢,終在去年聖誕向李亞男求婚成功,婚禮今年六月舉行。

上週三(二月十二日),李亞男父母由加拿大飛來香港,與未來女婿傾談婚事細節,據知王祖藍日內便會與女友排期註冊,為洞房花燭夜做好準備。

三度求婚

五呎三吋王祖藍,與五呎九吋李亞男,發展「長短腳」之戀轉眼五年,心急做老襯的王祖藍,終於在去年聖誕,第三度求婚成功。

「祖藍一路都想娶亞男做老婆,拍拖五年已經求過三次婚,雖然亞男都認定咗對方係結婚對象,但佢對事業仲有野心,想喺呢行再做啲成績,唔想咁快受婚姻束綁!」李亞男好友說。

被封為無綫「四大處女」之一,李亞男因為宗教關係,即使一個人在香港,仍謝絕與男友同居。

「祖藍都係基督徒,兩個都好守教規,就算出埠旅行,亦預埋祖藍媽,怕單獨相處會出事;好似之前祖藍西貢間屋租約期滿,兩個明明有曬結婚計劃,佢都無諗過搬去女友度,寧願另外租地方!」知情者說。

上星期,定居加拿大的李亞男父母專程來港同王祖藍家人商討結婚的細節。

去年五月,王祖藍以千三萬買入大埔雅景花園獨立屋,並豪擲數百萬裝修作為婚後的新居。

百萬豪裝

兩度求婚失敗,王祖藍反而變得更加積極。去年八月,他豪擲一千三百四十萬,買入大埔雅景花園獨立屋,以行動表示對李亞男的誠意。

「為咗女友有幸福將來,祖藍好努力做嘢,近年仲密密返大陸做騷搵人仔,都係想儲多啲老婆本。其實祖藍都睇過西貢一塊地皮,想買地起屋,之後亦睇過大埔康樂園,但最後揀咗樓齡較舊,近比華利山嘅雅景花園,同一屋苑佢前前後後睇咗四個盤,先揀到呢間二千幾呎,睇到無敵海景嘅獨立屋!」知情者說。

雖然搵到理想愛巢,但樓齡已經三十三年,裝修費又要使一大筆。

「間屋最正係有個無敵大海景,但樓齡高,一定要大裝(修),水管電線地板,講得出嘅全部都要換,加上祖藍對用料有要求,裝修費幾百萬走唔甩,仲要整成年先可以入夥!」祖藍友人說。

出席完公開活動,王祖藍揸車返回電視城接李亞男放工。

情人節撐枱腳、睇戲直落,臨離開時王祖藍更送上禮物和粉紅玫瑰,李亞男冧爆甜笑。

迪士尼撐枱腳,王祖藍豪俾$100貼士給代客泊車。

密賺老婆本

10年,王祖藍憑綜藝節目《荃加福祿壽》的鬼馬演出人氣急升,拍劇主持電影全踩,並獲邀參與內地綜藝節目。雖然酬勞並非天價,但密食當三番,買大屋娶老婆,綽綽有餘。

女家話事

李亞男終於答應嫁,祖藍已決定收樓後六月結婚,至於擺酒地點,則全交由未來外父外母話事。

「亞男父母上個禮拜三喺加拿大飛嚟香港,祖藍好尊重女友,婚禮細節全部由女家話事,祖藍阿媽同未來新抱都相處得好好,老人家亦想盡快飲新抱茶,因為兩個有好多圈中朋友同教友,所以婚禮中西式都會搞!」知情者說。

王祖藍終於得米,但拍拖初期,女友父母眼中對他的印象其實好麻麻。

「亞男父母好緊張個女,家教好嚴,最初都好抗拒個女同圈中人拍拖,兩個身高又差一截,但日子耐咗,亞男父母睇到祖藍對自己個女究竟係點,對呢個半邊仔都好滿意。」

為贏得未來外父外母歡心,王祖藍花盡心思。

「拍拖冇耐,祖藍已經專登飛過加拿大拜會亞男父母,之後每次去開加拿大做嘢,亦一定抽時間去見嚇兩老,仲試過請埋亞男父母一齊去歐洲旅行,單係孝順長輩,已經加曬分!」知情者說。

情人節下午,王祖藍孖住萬綺雯、張繼聰等為新劇《食為奴》宣傳。

返內地密密掘金的王祖藍,近日在內地綜藝節目《百變大咖秀》扮 G.E.M.鄧紫棋,大放笑蛋。

同李亞男拍拖五年未曾單獨外遊,到外地通常跟大班教友傳教,或者帶埋家人結伴同遊。

雞髀打人牙骹軟,連日被傳媒追訪的王祖藍大方任影唔在講,還貼心派飯送朱古力。

連日忙住為新劇宣傳的王祖藍,仍抽空陪女友行街食雞蛋仔。

色戒

王祖藍和李亞男因為信仰堅守不作婚前性行為。但面對身材惹火的華姐冠軍女友,祖藍承認偶然會有一時衝動,出現歪念。唔想再忍,結婚是唯一方法。

商天娥

10年,娥姐與拍拖五年的燈飾商人男友李偉誠( Patrick)拉埋天窗,婚前二人雖已同居兩年,但男友願意為信基督教的娥姐禁慾,同居不同床, Patrick後來更決志信主,齊齊守戒。

王君馨

紐約長大,鬼妹仔性格的王君馨,去年自爆 26歲還是處女之身;亦曾因信仰關係,拒與男友上床而導致分手,現時王君馨就算要性感拍戲,都會先祈禱。

朱茵

與黃貫中拍拖 14年,一直保持同居關係,但口說反對婚前性行為的朱茵, 12年突然宣布未婚懷孕。



鍾意就快D Share啦!