網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月5日 星期三

秘戀楊崢3個月 黃宗澤:妤啱KEY 楊崢,黃宗澤,

黃宗澤秘密與名模楊崢拍拖三個月,據知二人常以情侶姿態出席朋友聚會。(資料圖片)


秘戀楊崢3個月黃宗澤:好啱key

現年33歲的無綫小生黃宗澤(Bosco)與現年38歲的名模楊崢驚爆戀情!二人因「食」結緣,在廚房擦出愛火花,秘密相戀3個月,經常以情侶姿態出席朋友間聚會,前日二人更被目擊在西貢十指緊扣拍拖行街,女方更餵Bosco食曲奇,高調曬恩愛!昨日Bosco承認二人戀情醞釀中,並大讚對方是好女仔,好啱key!

黃宗澤(Bosco)自2012年與胡杏兒分手後,一直強調未有著落,但原來真命天女是比他大5年的名模楊崢,二人更已秘戀3個月。Bosco與楊崢早已認識,但直至Bosco與杏兒分手後,二人才多加聯絡,加上Bosco早前踩過界搞飲食業,向來對飲食方面甚有研究的楊崢給他不少意見,兩人經常談食,由廚房開始發展出姊弟戀!二人的戀情在朋友間已是公開秘密,兩人常以情侶姿態出席朋友聚會。據知Bosco喜歡楊崢為人率真,雖然入行多年依然夠真及不看重物質;楊崢則欣賞Bosco孝順及有上進心。

旁若無人 以為拍戲

前日約下午3時多,Bosco與楊崢被目擊在西貢街頭十指緊扣拍拖,男方頭戴冷帽及黑超,女方則穿上紅色褲,甚為搶眼。由於當日是大年初四公眾假期,西貢人山人海,但二人懶理旁人目光,繼續拖手親密行街,楊崢全程甜笑。之後兩人入了一間曲奇店,楊崢更主動餵Bosco試食曲奇,盡展熱戀中的甜蜜。當時店外已聚集了廿多名巿民圍觀,有途人更大叫Bosco名字,不過二人仍旁若無人地親熱,有圍觀者還誤以為他們正在拍戲。

楊崢
  • 楊崢
黃宗澤愛吃,更染指飲食界,向來對飲食有研究的楊崢啱曬嘴形!
  • 黃宗澤愛吃,更染指飲食界,向來對飲食有研究的楊崢啱曬嘴形!
黃宗澤
  • 黃宗澤

嗜好相近 互相欣賞

昨日記者致電Bosco求證,被問到是否與楊崢拍拖時,他直言:「醞釀中,互相了解,我哋識咗好多年,私下冇聯絡,畀啲發展空間,多謝大家關心。(有冇去佢屋企拜年?)未,了解嚇先!」他不忘大讚女方說:「佢係一個好好嘅女仔,好聰明,我哋有共同嗜好,大家都鍾意煮嘢食,好啱key。(楊崢為你下廚?)未,(係咪你煮畀佢?)我都想!(喺西貢拍拖好揚?)呢啲係正常社交活動,大家一齊食嘢啫。(咁細件曲奇都share?)哈哈!食嘢梗係細細啖。(好唔好味?)好好味!(介唔介意佢大過你?)女仔最重要係溝通到,互相畀到正能量就得。」

胡杏兒
  • 胡杏兒
楊崢
  • 楊崢

至於楊崢昨日接受電話訪問時,她稱向來對感情事低調,不想多講,但亦忍不住大讚Bosco說:「佢係一個好男仔,無論係待人接物方面。(係男友好對象?)我相信佢係一個好好嘅男友。(你哋因為廚房而擦出愛火花?)我哋有好多共同嗜好。」問到二人已在西貢拖手,為何仍不肯公開?她笑說:「呢個問題我唔答。」

新歡楊崢VS舊愛杏兒

年齡︰38歲

三圍︰34B、24、35

身高︰1米75

學歷︰香港嶺南大學會計系

事業︰國際著名模特兒,1995年透過朋友介紹入行拍廣告,其後奪得超級模特兒大賽冠軍,2012年更成為韓國國際榮譽大使,推廣當地旅遊業。近年她推出飲食書又寫專欄,並主持電視及電台節目

年齡︰34歲

三圍︰32.5B、23、33.5

身高︰1米72

學歷︰香港科技大學生化系

事業︰1999年奪港姐季軍後加入無綫,其後密密拍劇成為當家花旦,代表作有《我的野蠻奶奶》、《肥田囍事》等,2011年憑劇集《怒火街頭》奪無綫台慶頒獎禮視後

文:名人組



鍾意就快D Share啦!