39歲吳文忻造人成功 狂掃BB用品
恭喜恭喜﹗吳忻熹（前名：吳文忻）陀B喇！
大家仲記唔記得邊個係吳文忻呀？佢係選美出身嘅，都入行十幾年咯，最令人印象深刻嘅就係佢早幾年擔任整形代言人，直擊佢點樣執靚個樣。但講到實質工作方面，吳忻熹想喺電影圈大展拳腳，可惜事業浮浮沉沉，都冇乜代表作，所以佢謀出路轉去從商。2010年吳忻熹下嫁同學陳劍陵（Kim）後，開始過少奶奶生活，又先後大搞美容同餐廳生意，相信呢張長期飯票，比任何工作都優勝。
現年39歲嘅吳忻熹婚後一直都想生B，為咗生B，佢順應相士改名為吳忻熹。早前傳過佢會考慮人工受孕，事實上佢只係打過排卵針，冇幾耐就好似成功受孕喇！
噚日就有雜誌報道，吳忻熹日前單拖出動去中環，見佢身形發福，好似有咗幾個月咁喇！佢仲選購買嬰兒用品，以及孕婦食嘅魚油片同鈣片添。
|
鍾意就快D Share啦！
|
|
|