富商男友拖女星出埠 吳佩慈就生得：我當場就笑出來
2014-02-05 08:00:00
就係因為識著個富商男友，未婚懷孕生完先結婚，以致傳聞多多。俾佩慈唞下啦。
34歲嘅九頭身美少女吳佩慈懷孕九個月，都就快生得，之前傳其富商未婚夫、即香港融匯資本有限公司CEO兼澳門永利酒店股東紀曉波唔肯同佢結婚，更有報道繪形繪聲咁，話紀曉波曾經同吳佩慈講：「你要生小孩我給你錢到國外去生，但要結婚不可能。」事後吳佩慈連聲否認，指報道失實，仲話要控告該周刊。
隨著臨盆日子越近，傳聞又起。噚日有有周刊報道指，呢位香港融匯資本有限公司CEO、澳門永利酒店股東紀曉波，明知吳佩慈下月就生得，但安頓好吳佩慈一個喺香港安胎之後，就同另一個女明星去咗澳洲度假，結果吳佩慈要獨個兒留喺香港過年。
吳佩慈接受訪問時，澄清謂：「這種八卦簡直是妄想症，我聽到時當場就笑出來，不可能的事情啊，就當作過年聽到大笑話。」佢話男友的確有去澳洲，不過係做嘢，唔係同女星出埠：「他之前是有去澳洲出差，但只有3、4天，每天換一個城市忙得要命，我們有空就視訊，哪有甚麼空檔去帶女明星。」
因為紀曉波實在太低調，故傳聞更是層出不窮。吳佩慈話佢唔想理不實報道，仲笑未婚夫：「他做事業就認真的默默經營，而且又不是長得像金城武這麼帥，是要多高調？」雖然唔靚仔，但吳佩慈表示對方係以大方同細心嚟打動佢，兩人於2012年拍拖，1年後曾分手，去年因為吳佩慈愛犬患病，男方天天關心病情，再次打動芳心。
吳佩慈話家陣專心安胎，農曆年係咁博命食，仲重咗10公斤：「Baby為了在肚子拼命長大，讓我現在滿腦子都在想吃的。」
閒著無事，吳佩慈學整蛋糕過日神。
之前陪男友去美國開會，仲喺網上大曬幸福，粉碎分手傳聞。
個肚籮咁大，下月就生得喇!
|
鍾意就快D Share啦！
|
|
|
