掃呢頁CODE去手機

2014年2月5日 星期三

[FACE 350] 重口味 《老表》續集率先爆 張繼聰韓馬利母子戀 張繼聰,MF,




34歲

大張繼聰 24年嘅 Mary姐,講明話好期待張生嗰 6嚿朱古力腹肌喎!好嘢唔怕騷啦, B餐 Kay咁大方,點會介意!《蘋果日報》圖片

真面目

重口味 《老表》續集率先爆 張繼聰韓馬利母子戀

上年《老表,你好嘢!》成功搶收視又有話題,話咁快續集《老表,你好 hea!》下月又開拍喇,除了原班人馬王祖藍、郭晉安等上陣外,據知新一輯更會玩重口味, 34歲張繼聰與 58歲韓馬利將發展「母子戀」。

不過張繼聰為免「穿橋」,震曬口回應:「未知喎!」歎慣大 3年美味「 B餐 Kay」,要食大 24年嘅 Mary姐又係惡啃啲嘅!

58歲

韓馬利得悉有份演《老表 2》跟張繼聰有親熱戲,興奮到要在微博分享。

新年無綫晚晚重播《老表,你好嘢!》,下周又首播被指為《老表》古裝版的《食為奴》,食住個勢, TVB原來已嗱嗱聲寫好劇本,準備 3月開拍《老表,你好 hea!》。班底一樣有郭晉安、王祖藍、萬綺雯、 Bob、張繼聰、王菀之、細細粒陳嘉佳和陳明恩等,新加入則有李亞男、韓馬利、鍾景輝和蔣志光。

親熱戲好激

上輯好評如潮亦激發中港矛盾話題,這次全新故事發生於一幢油麻地舊唐樓,左鄰右里錯綜複雜炒埋一碟的輕鬆喜劇,同上集一樣講嚇中港矛盾、新移民之類。

據消息人士指,今次角色之間的關係轉變不大,在初稿中萬綺雯依然和郭晉安成為一對,不過張繼聰將有大突破,被安排與 58歲韓馬利大搞母子忘年戀,兩人更會有親熱戲,激過《衝Ⅱ》的馬國明和江美儀姊弟戀(兩個差 3歲)多多聲。

至於王祖藍則一人分飾兩角,而公器私用加入的女友李亞男,據知在劇中不會和王祖藍有感情線,但關係有幾複雜就要等正式劇本完成至知。

上輯《老表,你好嘢!》收視報捷,王菀之、細細粒和陳明恩跑出,拍劇又拍電影,第二輯將加入其他演員,到時睇嚇邊個會上位!

王菀之拍完《老表》即被吳君如睇中,邀請拍電影《金雞 SSS》,證明演喜劇有一手,續集點都預埋佢。

Bob將會在新一輯繼續百變造型,但他說要賣關子未能夠透露。

Mary姐:「期待 6嚿朱古力」

記者週一( 3日)致電張繼聰,他表示《老表,你好 hea!》可能提早 2月尾開拍,被問到與韓馬利的母子戀關係、太太謝安琪會否介意等時,他就口震震回應:「未知喎!」其餘不便回應;而韓馬利回應時則相當興奮:「我飾演有錢太太,張繼聰係我私人教練,講我好想出軌,好主動冧張繼聰。好期待佢騷嗰 6嚿朱古力(腹肌)呀!真係好恨睇嚇!但電視尺度有幾激吖!佢老婆唔介意嘅!」

此外長腿萬綺雯則以短訊回覆謂:「嘻……我哋仲未開會呀!所以我不知現在故事發展成怎樣,最初期收到嘅消息都會同安仔。」如無意外結局係跟安仔開花結果,易接受過張繼聰同韓馬利囉!

34年前,即韓馬利拍緊《京華春夢》的時候,張繼聰才剛剛出世,叫他們演情侶的確有些難頂。(小圖為 6歲張繼聰)

在節目巡禮中已公布李亞男將會加入,前輩級則有韓馬利和鍾景輝。

在上集表現突出的凸眼 Monica D許奕妮本來有份,但因拍《夜蒲 3》時被指扮大牌,已被飛出《老表 2》。

'14大劇預告

TVB為了迎戰王維基的 HKTV,今年將拍攝多部重頭劇,有競爭之餘希望都有進步啦!

《太監五虎》

同《老表》一樣見好添食的《太監五虎》,由《大太監》原班人馬黎耀祥、蕭正楠、陳國邦、黃浩然和曹永廉等,延續李蓮英的故事,更有傳生完 B的陳茵媺會飾演皇後,預計 3月尾開拍。

《使徒行者》

警匪格局向來多觀眾,正在拍攝的《使徒行者》,有林峯演火爆爛賭黑幫大佬,與臥底佘詩曼有段疑幻疑真感情線,又有三哥苗僑偉追查五名失蹤臥底下落的鬥智劇情,都算令人期待。

《女人俱樂部》

由曾志偉吹雞召集一眾過氣女星主演的《女人俱樂部》,有李若彤、李麗珍、陳慧珊、袁潔瑩、葉蘊儀、張慧儀、江欣燕等孭飛,不過大堆頭能否贏到收視,就要等播出街至知喇。



鍾意就快D Share啦!